web counter
LEXO PA REKLAMA!

SHKARKO APP

App Store
Google Play

Shkodër, kishin hyrje-dalje familjare/ Si nisi saga kriminale mes fiseve Bajri dhe Lici

21 Shkurt 2025, 17:17, Kronika CNA

Shkodër, kishin hyrje-dalje familjare/ Si nisi saga kriminale mes fiseve

Mesditën e sotme, Safet Bajri, një nga figurat më të njohura të Shkodrës, u arrestua nga RENEA pas një kërkimi të gjatë.

Dy ditë më parë, forcat speciale zhvilluan një operacion në Shkodër për të kapur Bajrin, por nuk arritën ta ndalonin.

SPAK kishte lëshuar një urdhër-arrest për Safet Bajrin, ndërsa GJKKO kishte vendosur masën e sigurisë "arrest në burg".

Bajri akuzohet për vrasjen e Fatbardh Licit në vitin 2018, një ngjarje që ka pasur pasoja të mëdha.
Fatbardh Lici është vëllai i Mustafa Licit, një figurë tjetër e njohur dhe njëkohësisht xhaxhai i Ibrahim Licit, i shpallur në kërkim ndërkombëtar për vrasjen e Endri Mustafës.

SPAK ka bashkuar disa ngjarje kriminale në Shkodër që dyshohet se janë kryer nga grupi Bajri, i cili besohet të ketë disa fraksione të brendshme.

Përplasjet më të njohura janë ato mes Bajrëve dhe Licëve, dy grupe rivale që kanë pasur ngjarje tragjike që kanë përfshirë vrasje dhe zhdukje personash.

Një nga ngjarjet më të rënda ndodhi në janar 2018 kur atentati ndaj biznesmenit Lulzim Kulla la të plagosur disa persona, mes të cilëve dhe Kulla vetë. Ky atentat, i dyshuar të ketë lidhje me grupin Bajri, është konsideruar si shkaku kryesor i fillimit të një konflikti të gjatë.

Pas kësaj ngjarjeje, disa vrasje dhe aksione hakmarrjeje përfshinë grupet rivale. Vrasja e Fatbardh Licit në gusht 2018, pas vrasjes së një ish-polici, dhe disa zhdukje të dyshuara, ku përfshihet Agron Mollaj dhe Gëzim Hysa, kanë thelluar armiqësinë mes dy grupeve.

Në vazhdën e këtyre ngjarjeve, shumë persona të afërt me Bajrët dhe Licët janë përfshirë në vrasje dhe konflikte. Vrasja e Arjan Ferracakut dhe Fatos Ferracakut janë disa nga ngjarjet e njohura të lidhura me këtë përplasje, për të cilat akuzohen anëtarët e dy grupeve.

Ky arrestim i Safet Bajrit ka thelluar dyshimet për veprimtarinë kriminale të grupit të tij, duke përfshirë krime të rënda dhe hakmarrje mes familjeve rivale në Shkodër./CNA





Lajmet e fundit nga