E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

U kap sot në Rinas/ Kush është Alban Bengasi, avokati i të rrezikshmëve që urdhëroi vrasjen e ish-gruas

6 Shtator 2023, 16:09, Kronika CNA

U kap sot në Rinas/ Kush është Alban Bengasi, avokati i të

Fotomontazh - Alban Bengasi dhe Nuredin Dumani

Policia arrestoi sot sapo hyri në territorin shqiptar avokatin e shumëkërkuar Alban Bengasi.

Ai u kap në aeroportin e Rinasit, pasi u kthye në vendlindje nga Dubai.

Por kush është Alban Bengasi?

Alban Bengasi është një ish-efektiv policie dhe avokat, i cili është shpallur në kërkim nga SPAK, në kuadër të operacionit “Plumbi i Artë”, të ndërmarrë nga prokuroria për goditjen e grupeve kriminale.

Emri i tij u përmend para hetuesve nga i penduari i drejtësisë, Nuredin Dumani, duke krijuar dyshime se ka bashkëpunuar me banda kriminale.

Pagoi 120 mijë euro për të vrarë ish-gruan/ Arrestohet në Rinas avokati i shumëkërkuar
6 Shtator, 14:31

Bengasi akuzohet se ka manipuluar provat për dy vrasje, duke i vendosur provat e krimeve te personat që nuk kishte asnjë lidhje.

Po ashtu, Bengasi dyshohet se ka urdhëruar grupe kriminale që të hedhin në erë makinën e ish-gruas së tij, pas një konflikti që ka pasur me të.

Sipas bashkëpunëtorit të drejtësisë, Nuredin Dumani, avokati kishte ofruar para për dëmtimin fizik të gruas e më pas i kishte ofruar atij 120 mijë euro për vrasjen e ish-gruas, pasi donte të hakmerrej, duke pretenduar për tradhti nga ana e saj.

Dumani ka treguar se ai nuk e kishte marrë përsipër këtë punë, pasi nuk rrihte gra, duke ia kaluar atë Eljo Bitrit dhe një djali tjetër.

Historia e konfliktit mes Bengasit dhe ish-gruas së tij është denoncuar edhe më parë në emisionin investigativ “Stop”.

Zbardhet dëshmia tronditëse/ Avokati Bengasi dha 120 mijë euro për të eliminuar ish-gruan
20 Maj, 07:38

Konflikti mes Bengasit dhe ish-gruas së tij kishte degraduar deri në dhunë fizike dhe ajo ishte e pajisur me urdhër mbrojtjeje.

Gjithashtu, Alban Bengasi ka qenë edhe avokat i vëllezërve Fredi dhe Pajtim Rrushindaj ndaj të cilëve rëndojnë akuza për vrasjen dhe fshehjen e trupit të biznesmenit Ruzhdi Hoxha.

Alban Bengasi ka qenë avokat i dy shtetasve turq të arrestuar në Tiranë, Ervin Matës, si dhe i disa anëtarëve të tjerë të grupeve kriminale.

Ndërkohë, në maj të vitit 2020, Bengasi ra pre e një sulmi me thikë nga kunati i tij, Roland Ruçi, ku mbeti edhe i plagosur. Ngjarja ndodhi në Tiranë, pranë stadiumit “Dinamo”./ CNA