web counter
LEXO PA REKLAMA!

SHKARKO APP

E fundit!

x

Tragjedia në Shkodër/ Gjykata vendos 4 vite burg për Erdgys Arrazin

26 Maj 2025, 15:40, Kronika CNA

Tragjedia në Shkodër/ Gjykata vendos 4 vite burg për Erdgys

Gjykata e Shkodrës ka deklaruar fajtor dhe ka dënuar me 6 vite burg Erdgys Arrazin, për akuzën e “Shkaktimit të vetëvrasjes”, të ish-bashkëshortes së tij, Alma Arrazi, e cila u hodh në lumin Buna së bashku me tre fëmijët e saj.

Për shkak të gjykimit të shkurtuar ky dënim është ulur me 2 vite, duke dënuar Arrazin përfundimisht me 4 vjet heqje lirie.

Gjyqtari Orgent Nazaj ka konstatuar se ndaj të ndjerës Alma Arrazi është ushtruar dhunë fizike dhe psikologjike duke i shkaktuar gjendje ankthi dhe depresioni.

Erdgys Arrazi paralelisht kishte krijuar një lidhje jashtë martesore, dhe presionin bashkëshortes ia bënte me qëllim që ajo të largohej nga banesa e tyre në Shkodër.

Herë pas herë Ergys Arrazi, i ka nxjerrë rrobat Almës në oborr dhe i ka djegur në sy të saj, si shenjë presioni psikologjik për t'u larguar nga banesa.

Gjyqtari Nazaj ka vendosur të pranojë kërkesën e prokurorisë për pushimin e akuzës të “Vrasjes në rrethana cilësuese” ndaj Erdgys Arrazit, me argumentin se nuk u konstatuan prova bindëse për faktimin e kësaj vepre penale./ CNA





Lajmet e fundit nga