web counter
LEXO PA REKLAMA!

SHKARKO APP

App Store
Google Play

E fundit!

x

Tentuan të trafikonin armë dhe municion luftarak, drejt Kosovës/ Kapen 6 persona në Kukës

20 Gusht 2022, 10:52, Kronika CNA
Tentuan të trafikonin armë dhe municion luftarak, drejt Kosovës/
Foto nga operacioni

Finalizohet operacioni policor i koduar "Rrugëtimi", në sajë të të cilit u zbulua trafikimi me armë dhe municion luftarak drejt Kosovës nga një grup personash.

Pas një hetimi disa mujor, blutë bëjnë me dije se kanë vënë në pranga 6 persona, me operacionin e shtrirë në 3 qarqe, Kukës, Durrës dhe Dibër.

Bëhet fjalë për shtetasit me iniciale Rr. S., 28 vjeç, banues në Dibër; B. SH., 24 vjeç, banues në Bulqizë; B. N., 33 vjeç, banues në Durrës; U. H., 27 vjeç, banues në Dibër; H. H., 59 vjeç, banues në Durrës, dhe K. B., 61 vjeç, banues në Fushë-Krujë, për veprën  penale "Mbajtja pa leje e armëve, armëve shpërthyese dhe i municionit", kryer në bashkëpunim.

Ata u kapën në flagrancë nga shërbimet e Policisë, në ambientet e jashtme të një pike karburanti, me 1 armë zjarri automatik, 1 armë zjarri pistoletë tip “Glock”, sasi municioni luftarak, si dhe me shuma prej 222.000 lekësh dhe 710 eurosh, të cilat u sekuestruan në cilësinë e provës materiale.

Vijojnë hetimet për identifikimin dhe vënien para përgjegjësisë ligjore të personave të tjerë të implikuar në veprimtarinë kriminale të trafikimit të armëve të zjarrit drejt Kosovës.

Ndërkaq, materialet i kaluan Prokurorisë pranë Gjykatës së Shkallës së Parë Kukës, për veprime të mëtejshme./ B.A. – CNA.al





Lajmet e fundit nga