web counter
LEXO PA REKLAMA!

SHKARKO APP

App Store
Google Play

E fundit!

x

30 plumba në drejtim të viktimave, si ndodhi atentati i djeshëm në Vlorë

19 Gusht 2022, 10:57, Kronika CNA
30 plumba në drejtim të viktimave, si ndodhi atentati i djeshëm
Foto ilustruese

15 persona janë shoqëruar në polici për atentatin e djeshëm në Panaja të Vlorës, ku mbetën të vrarë, Shpati Lena dhe Hakim Xhezo.

Gazetarja Ebrieta Maçaj raporton së në polici kanë dëshmuar, miq, familjarë të viktimave dhe dëshmitarë okularë.

Ende policia nuk ka rënë në gjurmët e autorëve, por pista kryesore mbetet ajo e hakmarrjes. Në vendngjarje u gjetën 30 gëzhoja dhe sipas hetuesve në drejtim të viktimave është qëlluar me 2 armë zjarri tip kallashnikov.

Ngjarja e rëndë ndodhi në një moment ku nuk pati fluks mjetesh në rrugë dhe nga hetimet ka rezultuar se autorët kanë qenë profesionistë.

Autorët me mjetin "BMW" hapën zjarr në pjesën e përparme të makinës, ku shoferi ishte Hakim Xhezo dhe pasagjer Shpati Lena.

Pas atentatit ata u larguan drejt Fierit dhe më pas udhëtuan në rrugën Levan-Tepelenë.

Viktimat ishin nisur drejt burgut të Lushnjës ku do t’i çonin veshje dhe ushqime vëllait të Hakim Xhezos, Eduard Xhezos, i dënuar me 15 vite për ngjarjen e 2019-ës.

Shpati Lena lëvizte në qytetet me makinë të blinduar, por së fundmi kishte ndërruar mjet./euronews





Lajmet e fundit nga