web counter
LEXO PA REKLAMA!

SHKARKO APP

App Store
Google Play

E fundit!

x

Situata me zjarret në vend/ Emergjencat Civile: Janë izoluar 19 vatra, tre mbeten aktive

27 Korrik 2024, 10:55, Kronika CNA

Situata me zjarret në vend/ Emergjencat Civile: Janë izoluar 19 vatra,

Qendra Kombëtare Operacionale e Emergjencave Civile bën të ditur se gjatë 24 orëve të fundit janë raportuar 23 vatra zjarri, nga të cilat është bërë i mundur izolimi i 19 prej tyre. Sipas të dhënave të fundit  nga kjo qendër, mbeten aktivë zjarri në vendgrumbullimin e mbetjeve të Bashkisë Vlorë për të cilin janë angazhuar kapacitetet në nivel qarku të mbështetura nga kapacitete të pushtetit qëndror dhe subjekte private.

Një tjetërt vatër zjarri aktive është ajo në fshatin Malecaj të bashkisë Lezhë, i cili ditën e sotme vijon me intesitet të ulët. Gjatë mbrëmjes së kaluar është bërë e mundur shmangia e rrezikut të kalimit të zjarrit në lagjet Shqut dhe Ish Kampi të këtij fshati.

Po në këtë bashki zjarri në fshatin Torovicë është drejt shuarjes përfundimtare. Po vijojnë operacionin strukturat e pushtetit vendor të mbështetura nga FA.

Ndërkohë vatra e zjarrit në fshatin Kameras në Bashkin e Durrës, vijon të mbetet aktiv. Gjatë ditës së djeshme për shuarjen e tij u angazhuan forcat zjarrfikkësë  nga kapacitetet e qarku Durrësit dhe Tiranë duke bërë të mundur shmangien e rrezikut për kalimin e zjarrit në sipërfaqe me pyll dhe ullinj shekullore. Ndërkohë sot janë angazhuar shërbimi zjarrfikës dhe forca vullnetare.

Zjarri në fshatin Zogaj, bashkia Tropojë për të cilin ditën e djeshme kanë punuar Forcat e Armatosura, strukturat vendore të mbështetura nga një Helikopter I KFOR. Vijojnë edhe ditën e sotme operacionin për vënien nën kontroll të zjarrit dhe shuarjen e tij.

Situata në bashkitë e qarqeve të tjera të vendit ditën e sotme paraqitet relativisht e qetë.

Agjencia Kombëtare e Mbrojtjes Civile dhe FA, thotë se do të vijojnë të jenë në ndihmë të komunitetit në bashkëpunim me pushtetin vendor./CNA





Lajmet e fundit nga