web counter
LEXO PA REKLAMA!

SHKARKO APP

App Store
Google Play

E fundit!

x

Akuzohen se shfrytëzuan 16-vjeçaren për prostitucion/ Lihen në qeli dy të arrestuarit

26 Korrik 2024, 14:13, Kronika CNA

Akuzohen se shfrytëzuan 16-vjeçaren për prostitucion/ Lihen

Lihen në masën e "arrestit në burg" dy të arrestuarit e akuzuar për veprat penale të "marrëdhënie seksuale ose homoseksuale me dhunë me të mitur të moshës 14-18 vjeç" dhe "shfrytëzim prostitucioni".

Dy shtetasit Selam Hyka dhe Marsel Baci kanë dalë sot para togave të zeza në Korçë për t'u njohur me masën e sigurisë.

Prokuroria ka kërkuar "arrest në burg", e cila u pranua edhe nga ana e gjykatës.

Ngjarja u zbulua pas denoncimit të nënës së 16-vjeçares, e cila prej kohësh është prostituuar nga dy të arrestuarit.

Në lidhje me vendimin, avokati i  Selam Hykës, Denis Mekolli u shpreh se nuk ka prova që akuzën ndaj klientit të tij. 

"Me provat që kemi parë deri në këto moment, nuk ka asnjë dyshim të arsyeshëm sepse vepra penale që akuzohet i mbrojturi prej meje, shikohet në disa pikëpamje. E para është që edhe nëse ka ndodhur ngjarja, të provojë dhunën. S'rezulton në asnjë moment që të ketë patur dhunë apo elementë të saj, si fizikë dhe psikologjikë. Kjo është e vërtetuar dhe me aktet deri në këtë moment. Nuk kemi provë konkrete, nuk kemi dëshmi për shkak të privatësisë. Prokuroria deri në këtë moment ka kallëzimin dhe disa akte shkresore që mund të jenë në cilësinë e provës. Nuk provohet të ketë patur dhunë", u shpreh ai.

Ndërkohë, Ledian Spaho, avokati mbrojtës i Marsel Baçit tha nuk qëndron akuza e "shfrytëzimit të prostitucionit". 

"Në vlerësimin tonë si mbrojtje, dyshimi nuk ka ndonjë provë konkrete, por janë deklarime të personave kallëzues të cilët orientojnë organin e akuzës në lidhje me ekzistencën e elementi të veprës penale por mënyra, forma, koha ku mund të jetë konsumuar vepra penale nuk përcaktohet. Nga ana tjetër rezulton që në lidhje me shtetasin Marsel Baci nuk ka ankesë konkrete por referohet vetëm nga komunikimi dhe një marrëdhënie që kanë patur të rinjtë kohët e fundit. Njëri është për "shfrytëzim prostitucioni" dhe dua tu shpjegoj që s'jemi në kushtet e një akuze por të një dyshimi. Nëse do flasim për akuzë do të presim përfundimin e hetimeve dhe administrimin e tërësisë të provave për të parë nëse ka vepër penale të shfrytëzimit të prostitucionit. Në këtë moment s'mund të flasim për këtë vepër penale sepse ajo kërkon elementë konkretë, veprime konkrete", tha ai./CNA 





Lajmet e fundit nga