web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 100 kilogramë kokainë në Spanjë/ Çmontohet grupi kriminal, mes të arrestuarve shqiptarë

20 Qershor 2024, 12:43, Kronika CNA
Sekuestrohen 100 kilogramë kokainë në Spanjë/
Droga e sekuestruar/ Ministria e Brendshme spanjolle

Policia sqanjolle ka sekuestruar 100 kilogramë kokainë në një kontejner që vinte nga Ekuadori. 

Në operacion u arrestuan 12 anëtarë të një grupi kriminal, një nga më aktivët në Evropë dhe Amerikën e Jugut, i përbërë nga shtetas shqiptarë, kolumbianë, marokenë dhe evropianë, raportojnë autoritetet spanjolle. 

Organizata kishte kontakte të drejtpërdrejta në vendet kryesore të shitjes së kokainës, si Kolumbia dhe Ekuadori, dhe me investitorë të fortë që banonin në Dubai.

Droga, e cila ishte sjellë në Spanjë, u gjet brenda një magazine në Fuenlabrada, ku ishte depozituar nga anëtarët e organizatës.

Pas hetimeve, agjentët arritën të lokalizojnë anëtarët e rrjetit kriminal në Costa del Sol dhe Madrid. Përveç kësaj, ata zbuluan një mori takimesh mes tyre për të përgatitur dërgesat e substancave narkotike nga Amerika e Jugut në Spanjë.

Nga ana tjetër, u konstatua se ata kryenin udhëtime në vende të tjera, përfshirë Dubain, ku ndodheshin investitorët kryesorë të grupit kriminal dhe u dhanë udhëzime pjesës tjetër të anëtarëve për të kryer biznesin e paligjshëm.

Midis dy degëve të grupit kriminal, agjentët arritën të identifikonin një shtetas me origjinë gjermane, i konsideruar në Suedi si një nga trafikantët më të rëndësishëm ndërkombëtarë të drogës, i kataloguar si një nga objektivat me vlera të larta dhe më të rëndësishme të Europolit, i cili kishte kontaktet e nevojshme në vendet e origjinës për të blerë sasi të mëdha kokaine shumë të pastër./CNA 





Lajmet e fundit nga