web counter
LEXO PA REKLAMA!

SHKARKO APP

App Store
Google Play

E fundit!

x

Detaje nga sherri në Korçë/ Në konflikt u përdorën armë dhe thikë, më shumë se një i lënduar

19 Qershor 2024, 22:55, Kronika CNA
Detaje nga sherri në Korçë/ Në konflikt u
Foto ilustruese, burimi CNA

Ngjarja e regjistruar këtë të mërkurë mes disa të rinjve në qytetin e Korçës, duket se ka një tjetër prapavijë nga ajo që shfaq policia e Korçës në komunikatën e saj zyrtare.

Në redaksinë e CNA-së kanë mbërritur të tjera informacione sa i përket sherrit masiv të ndodhur rreth orës 14:30, në lagjen 17 të qytetit.

Policia e Korçës raporton se konflikti mes një 18-vjeçari dhe 5 shtetasve të tjerë ka rezultuar me sende të forta, prej nga janë shkaktuar edhe dëmtime trupore tek i riu.

Por, nga burimet kofidenciale dhe informacionet e dëshmitarëve okularë pranë vendngjarjes, thuhet se i riu është plagosur me një thikë, duke marrë një goditje në pjesën e sipërme të kokës.

Dëshmitarët okularë tregojnë se dy prej autorëve kanë nxjerrë armën dhe kanë qëlluar drejt mjetit të 18-vjeçarit.

Kanë qenë dëshmitarët okularë ata të cilët kanë parë mjetin e dëmtuar nga plumbat në momentin që po hiqej nga vendngjarja.

I plagosur me armë ka mbetur dhe një prej autorëve, i cili është qëlluar padashur nga njëri prej 4 shtetasve të tjerë të grupit të autorëve.

Të 5-të autorët janë fshehur dhe janë në kërkim, ndërsa ajo çka bën përshtypje duke marrë informacione mbi dy prej autorëve, është se të dy janë persona me precedentë penalë në fushën e lëndëve narkotike.

A ishte konflikti i sotëm me një tjetër prapavijë? Këtë nuk e sqaron Policia e Korçës në asnjë rrjesht të komunikatës zyrtare./ CNA





Lajmet e fundit nga