web counter
LEXO PA REKLAMA!

SHKARKO APP

E fundit!

x

Rrezikoi mbytjen në det/ I vihet në ndihmë turistes në Gjirin e Shën Janit

17 Gusht 2025, 21:11, Kronika CNA

Rrezikoi mbytjen në det/ I vihet në ndihmë turistes në

I vihet në ndihmë një shtetaseje që rrezikoi mbytjen në det, në Gjirin e Shën Janit.

Sot, gjatë patrullimit me mjet lundrues, shërbimet e Policisë Kufitare Vlorë konstatuan thirrjet për ndihmë të pushuesve. Në breg ndodhej një shtetase, e cila ishte nxjerrë nga deti nga qytetarët, pasi gjatë notimit kishte pirë ujë dhe kishte rrezikuar mbytjen.

Punonjësit e Policisë Kufitare, së bashku me pushuesit, i dhanë ndihmën e parë në breg dhe më pas e transportuan me mjetin lundrues drejt portit të Vlorës. Gjatë rrugës, gjendja e saj shëndetësore u përkeqësua, por u asistua përsëri nga punonjësit e Policisë Kufitare dhe u bë e mundur stabilizimi i saj deri në momentin e dorëzimit tek ekipi i urgjencës mjekësore.

Falë reagimit të shpejtë, shtetasja ndodhet jashtë rrezikut për jetën, nën kujdesin e mjekëve të Spitalit Rajonal Vlorë./CNA





Lajmet e fundit nga