web counter
LEXO PA REKLAMA!

SHKARKO APP

App Store
Google Play

E fundit!

x

Goditi me sende të forta një person/ Vihet në pranga 25-vjeçari

17 Gusht 2025, 13:09, Kronika CNA

Goditi me sende të forta një person/ Vihet në pranga

Policia e Durrësit ka vënë në pranga një 25-vjeçar, i cili gjatë një konflikti ka goditur me sende të forta një person.

I arrestuari K. D. pas një konflikti të çastit ka goditur G. M., duke i shkaktuar dëmtime në kokë.

I dëmtuari është transportuar drejt QSUT për mjekim më të specializuar.

 

Njoftimi i policisë

Plagosi rëndë me sende të forta një shtetas, gjatë një konflikti të çastit, identifikohet, kapet dhe vihet në pranga 25-vjeçari.

Shërbimet e Komisariatit të Policisë Durrës, pas marrjes së njoftimit për një konflikt fizik midis dy shtetasve, në lagjen nr. 14, Durrës, menjëherë kanë organizuar punën për identifikimin dhe kapjen e autorit.

Pas veprimeve të shpejta, u bë e mundur identifikimi i autorit të dyshuar, kapja dhe shoqërimi i tij në Komisariatin e Policisë Durrës, për veprime të mëtejshme.

Në përfundim të veprimeve të para hetimore, specialistët për Hetimin e Krimit në Komisariatin e Policisë Durrës arrestuan në flagrancë shtetasin K. D., 25 vjeç, banues në Durrës.

Ky shtetas ishte konfliktuar në rrugë, në lagjen nr. 14, për motive të dobëta, me shtetasin G. M., i cili gjatë konfliktit ka pësuar dëmtime në kokë dhe pas trajtimit mjekësor në Spitalin Rajonal Durrës, është transportuar për mjekim të specializuar në Spitalin Universitar të Traumës, në Tiranë.

Materialet procedurale do të referohen në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprën penale “Plagosje e rëndë me dashje”./CNA





Lajmet e fundit nga