web counter
LEXO PA REKLAMA!

SHKARKO APP

App Store
Google Play

E fundit!

x

Ndalohet ngjarja kriminale në Kurbin/ Vihet në pranga 37-vjeçari

16 Gusht 2025, 17:23, Kronika CNA

Ndalohet ngjarja kriminale në Kurbin/ Vihet në pranga

Policia ka parandaluar një ngjarje kriminale në Laç.

Një 37-vjeçar është përfshirë në një konflikt me disa persona të tjerë dhe gjatë konfliktit ka qëlluar me armë zjarri në ajër.

Në konflikt janë përfshirë dhe katër persona të tjerë të cilët janë shpallur në kërkim.

Ndërsa 37-vjeçari K. Rr. Alias K. T. është vënë në pranga. Gjithashtu është sekuestruar arma me të cilën qëlloi 37-vjeçari.

Nga konflikti nuk ka persona të dëmtuar.

 

Njoftimi i policisë

Ndërhyrja e menjëhershme e Policisë parandalon një ngjarje të rëndë kriminale.

Me armë zjarri pistoletë, me fishek në fole gati për qitje, kapet e vihet në pranga një 37-vjeçar.

Sekuestrohet arma e zjarrit pistoletë me të cilën dyshohet se ka qëlluar në ajër gjatë konfliktit.

Shpallen në kërkim 4 shtetas të përfshirë në konflikt.

Pas njoftimit për një konflikt fizik ndërmjet disa shtetasve, rreth orës 11:00, në rrugën “Kurbini”, Laç, shërbimet e Komisariatit të Policisë Kurbin kanë ndërhyrë menjëherë, duke parandaluar përshkallëzimin e konfliktit fizik ndërmjet 5 shtetasve, gjatë të cilit dyshohet se është qëlluar edhe me armë zjarri.

Nga veprimet e shpejta u kap dhe u vu në pranga shtetasi K. Rr., alias K. T., 37 vjeç, banues në Tiranë, të cilit iu gjet dhe iu sekuestrua në cilësinë e provës materiale një armë zjarri e tipit “Glock”, me fishek në fole gati për qitje.

Nga të dhënat e para rezulton se shtetasit e tjerë të përfshirë në këtë konflikt, të identifikuar me iniciale G. D., 27 vjeç, banues në Tiranë; E. Sh., 29 vjeç; E. Sh., 34 vjeç; si dhe E. R., 32 vjeç, banues në Laç, janë shpallur në kërkim dhe po punohet për kapjen e tyre.

Nën drejtimin e Prokurorisë vijon puna për dokumentimin e plotë të ngjarjes dhe identifikimin e personave të tjerë të përfshirë në konflikt, nga i cili nuk ka të dëmtuar.

Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”, të kryera në bashkëpunim./ CNA





Lajmet e fundit nga