web counter
LEXO PA REKLAMA!

SHKARKO APP

App Store
Google Play

Prokuroria kryen eksperiment hetimor: Hygerta Meta di të përdorë armën

11 Mars 2024, 10:04, Kronika CNA

Prokuroria kryen eksperiment hetimor: Hygerta Meta di të përdorë

Prokuroria ka kryer eksperimentin hetimor për të zbuluar më tej se kush e ka ekzekutuar Pëllumb Metën.

Fëmijët dhe gruaja e viktimës janë dërguar në poligon për të kryer qitje dhe ka rezultuar se 19-vjeçarja di të përdorë armën. Tre anëtarët e tjerë nuk kanë pranuar të kryejnë qitjen pasi kanë deklaruar se nuk dinë ta përdorin. 

Ky eksperiment do të ndihmojë autoritetet të zbulojnë se kush e ka vrarë Pëllumb Metën.

Kujtojmë se Pëllumb Meta u gjet i groposur pranë banesës së tij në një kasolle bagëtish.

Për këtë janë arrestuar tre fëmijët e viktimës, Hysen, Hygerta dhe Amarildo Meta, ndërsa nëna ndodhet nën hetim në gjendje të lirë.

Të tre fëmijët kanë dhënë deklarata kontradiktore para autoriteteve.

Fillimisht për krimin u akuzua dhe arrestua 19-vjeçarja Hygerta Meta, e cila pranonte se krimin e kishte kryer ajo.

Më pas i vëllai, Hysen Meta, deklaroi se krimin e kishte kryer ai dhe se vëllai dhe motra e tij ishin bashkëpunëtorët.

Më pas ai ka ndryshuar deklaratën e tij duke thënë se nuk e kishte kryer ai krimin.

Nga ana tjetër, Amarildo ka dëshmuar se krimin e ka mësuar nga nëna e tij.

Hygerta Meta vijon me pretendimin e saj se e ka vrarë ajo babain për shkak të dhunës dhe se kërkonte që ta fejonte pa dëshirën e saj./ CNA





Lajmet e fundit nga