web counter
LEXO PA REKLAMA!

SHKARKO APP

App Store
Google Play

E fundit!

x

Plagosja e 15-vjeçarit në "Ali Dem"/ Vihet në pranga autori

3 Qershor 2025, 19:18, Kronika CNA

Plagosja e 15-vjeçarit në "Ali Dem"/ Vihet në pranga

Policia ka arrestuar autorin e plagosjes së 15-vjeçarit në një piceri në Ali Dem.

Për ngjarjen e ndodhur para disa ditësh, është vënë në pranga 21-vjeçari A. N. I arrestuari akuzohet për plagosje me dashje dhe armëmbajtje pa leje.

 

Njoftimi i policisë

Drejtoria Vendore e Policisë Tiranë

Plagosi me armë atipike, për motive të dobëta 15-vjeçarin në një piceri te “Ali Demi” si rezultat i kontrolleve të pandërprera, bazuar edhe në inteligjencën policore, kapet dhe vihet në pranga nga Policia.

Dje u arrestuan edhe 3 punonjës të picerisë, pasi dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri. Vijon puna për kapjen e administratorit të picerisë.

Specialistët për Hetimin e Krimeve të Komisariatit të Policisë Nr. 1, si rezultat i kontrolleve të pandërprera, bazuar në inteligjencën policore, kapën dhe ndaluan shtetasin A. N., 21 vjeç, banues në Tiranë.

Ndalimi i tij u bë pasi, më datë 01.06.2025, në një piceri te “Ali Demi”, gjatë një konflikti për motive të dobëta, plagosi me armë atipike një 15-vjeçar.

Materialet procedurale do t’i kalojnë Prokurorisë për veprime të mëtejshme, për veprat penale “Plagosje e rëndë me dashje” dhe “Prodhimi dhe mbajtja pa leje e armëve luftarake dhe e municionit”, në ngarkim të 21-vjeçarit.





Lajmet e fundit nga