E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Djegia e dy automjeteve/ Flet pronari i makinës, Gongo: Nuk kemi konflikte me asnjë person

2 Qershor 2025, 12:52, Kronika CNA

Djegia e dy automjeteve/ Flet pronari i makinës, Gongo: Nuk kemi konflikte

Disa persona janë shoqëruar në komisariatin e Maliqit, të cilët po merren në pyetje lidhur me djegien e dy automjeteve në Maliq.

Sipas informacioneve, pista kryesore është ajo e zjarrvënies së qëllimshme, ndërsa nga ana e grupit hetimor po kontrollohen kamerat e sigurisë në zonë, nëse mund të kenë kapur momentin e djegies së mjeteve.

Nga hetimet rezulton që fillimisht ka marrë zjarr mjeti tip "BMW" në pronësi të Kevin Durollarit, dhe më pas flakët janë përhapur duke djegur mjetin tip "Toyota" i parkuar disa metra më larg.

Luli Gongo, pronari i mjetit "Toyota", ka folur për mediat duke thënë se nuk dyshon për zjarrvënie të qëllimshme. Ai theksoi se nuk ka konflikte me asnjë person.

"Ne ishim në gjumë, edhe dikush nga komshinjtë tha hajde se ka rënë flakë dhe në kohën që ne arritëm, shikojmë të dyja makinat në flakë. Në momentin që erdhëm ne kishte ardhur edhe zjarrfikësja edhe policia. Ata operuan me sukses pavarësisht se ne na u dogj e gjithë makina.

Kur dolëm ne të dyja makinat ishin në flakë, pra makinave nuk kishim çfarë t’u bënim më, problemi qëndronte te shtëpia. Siç e shikoni kjo makina e dytë i ka akoma telat e shkrirë në tavan dhe ishte masa që kishte bërë ky teli i korentit sipër se është pozicioni nën tela i makinës. Mendoj se ajo e ka vënë në flakë këtë makinë. Ndërsa makina e parë është 10 metra larg së dytës, nuk mendoj se kanë marrë flakë në të njëjtën kohë.

Ne nuk na kanë dhënë ndonjë informacion, por ne dimë kaq, të dyja makinat pak a shumë ishin në një kohë, njëra kishte flakë më shumë, tjetra më pak. Por duke qenë se zjarrfikësit asistuan më shumë që të mbronim pjesën e banesave pasi djegia e makinave ishte e pakthyeshme.

Ne jemi komshinj, nuk mendoj se është zjarrvënie e qëllimshme. Nuk kemi konflikt me asnjë, as midis nesh, as me ndonjë tjetër. Policia ka të drejtë të inspektojë por ne nuk kemi konflikte me asnjë.

Unë kam ndenjur më shumë në Durrës këtu kam shtëpinë e babait", deklaroi ai per mediat./ CNA