web counter
LEXO PA REKLAMA!

SHKARKO APP

App Store
Google Play

Plagosi me thikë 3 persona në Shkodër/ Vetëdorëzohet në polici autori

7 Prill 2023, 21:03, Kronika CNA

Plagosi me thikë 3 persona në Shkodër/ Vetëdorëzohet

Mesditën e sotme ndodhi një ngjarje e rëndë pranë Poliklinikës në qytetin e Shkodrës, ku u plagosën me thikë 3 të rinj. 

Policia njoftoi se sherri ndodhi për mlotive të dobëta, ndërsa pak orë pas kësaj ngjarjeje është vetëdorëzuar autori i plagosjeve.

Bëhet fjalë për shtetasin me iniciale A.H., i cili plagosi me thikë shtetasit me iniciale K.H., E.T. dhe Xh.P.

Njoftimi i plotë:

Menjëherë pas ngjarjes së ndodhur mesditën e sotme, në lagjen “Qemal Stafa”, Shkodër, ku shtetasi A. H., pas një konflikti për motive të dobëta, plagosi me thikë tre bashkëmoshatarët e tij dhe u largua, shërbimet e Komisaritait të Policisë Shkodër, në bashkëpunim me Forcën e Posaçme Shqiponja të DVP Shkodër, janë vënë në ndjekje të autorit dhe kanë ushtruar kontrolle të shumta në ambiente të ndryshme, në akse rrugore dhe në lagjet e qytetit të Shkodrës.

Për shkak të presionit të Policisë dhe falë negociatave me familjarët e shtetasit A. H., u bë e mundur që rreth orës 20:00, ky shtetas të vetëdorëzohej në Komisariatin e Policisë Shkodër, për veprime të mëtejshme proceduriale.

Shtetasi A. H. plagosi me mjet prerës thikë, bashkëmoshatarët e tij, shtetasit K. H., E. T. dhe Xh. P.

Shtetasi Xh. P. ndodhet në spital, në kujdesin e mjekëve, ndërsa dy shtetasit e tjerë, pas ndihmës mjekësore, janë larguar në banesë.

Materialet proceduriale do t’i kalojnë Prokurorisë, për veprën penale “Plagosja e rëndë me dashje”./ CNA.al





Lajmet e fundit nga