web counter
LEXO PA REKLAMA!

SHKARKO APP

App Store
Google Play

E fundit!

x

Operacion blic në burgun e Peqinit/ Sekuestrohen sende dhe transferohen 2 të dënuar përjetë

18 Prill 2026, 15:01, Kronika CNA

Operacion blic në burgun e Peqinit/ Sekuestrohen sende dhe transferohen 2

Një aksion kontrolli ka përfshirë ambientet e Institucionit të Ekzekutimit të Vendimeve Penale në Peqin, ku forca të shumta të sigurisë kanë mësyrë për gjetjen e sendeve të paligjshme.

Gjatë këtij aksioni u përdor një teknologji e lartë monitorimi, ku krahas detektorëve specialë dhe skanerëve, u angazhuan dronë për mbikëqyrjen nga ajri dhe qen antidrogë për kontrollin e imtësishëm të çdo hapësire.

Kontrolli i rreptë u shtri në të gjitha ambientet e burgut, duke përfshirë sektorët e banimit, godinat e takimeve, bibliotekën, palestrën, ambientet e ajrimit dhe veçanërisht regjimin e posaçëm "41-bis", si dhe brezin e sigurisë përreth institucionit.

Si rezultat i operacionit, forcat e rendit arritën të konstatonin dhe të sekuestronin një sërë sendesh të ndaluara, mes të cilave mjete të improvizuara prerëse, kabllo, qarqe të modifikuara elektrike dhe materiale të tjera të palejuara.

Gjithashtu, në një rast u evidentua një sasi e dyshuar lënde narkotike, për të cilën kanë nisur menjëherë procedurat përkatëse ligjore. Një tjetër masë e rëndësishme e ndërmarrë gjatë këtij aksioni ishte transferimi i menjëhershëm i dy të dënuarve me burgim të përjetshëm, të cilët konsideroheshin si elementë me rrezikshmëri për sigurinë e brendshme të institucionit.

Drejtoria e Përgjithshme e Burgjeve bëri me dije se ky aksion nuk do të jetë i izoluar, por pjesë e një standardi të ri të punës së përditshme për të garantuar rendin dhe sigurinë e plotë në të gjitha institucionet penitenciare në vend./ CNA





Lajmet e fundit nga