web counter
LEXO PA REKLAMA!

SHKARKO APP

App Store
Google Play

Ngacmoi të miturin/ Gjykata e Korçës cakton masën arrest me burg për 45-vjeçarin

29 Janar 2025, 11:25, Kronika CNA

Ngacmoi të miturin/ Gjykata e Korçës cakton masën arrest

Gjykata e Korçës ka vendosur masën e arrestit në burg për 45-vjeçarin Aleks Ago, i cili dyshohet se ka ngacmuar seksualisht një 15-vjeçar nga fshati Poloskë i Devollit.

Ka qenë vetë i mituri i cili dy ditë më parë, së bashku me nënën në praninë e një psikologu, ka denoncuar në komisariatin e Devollit 45-vjeçarin duke thënë se ai e ka prekur në pjesë të trupit duke i kërkuar marrëdhënie seksuale.

Sipas dëshmisë së 15-vjeçarit, ky ka qenë rasti i 3-të i tentativës së Aleks Agos për ta tërhequr pas vetes duke i ofruar para.

45-vjeçari u arrestua menjëherë nga policia, ndërkohë ditën e sotme prokuroria kërkoi masën e arrestit me burg gjë që u pranua nga gjykata e Korçës.

45-vjeçari nga fshati Kuç i Bashkisë Devoll është i martuar dhe prind i tre fëmijëve.

Burime pranë gjykatës bëjnë të ditur se Aleks Ago e ka mohuar kategorikisht përfshirjen e tij në këtë situatë. Ai ka thënë para trupit gjykues se 15-vjeçarin nuk e ka ngacmuar, por pretendon se e ka ndihmuar për shkak se babai i tij ka ndërruar jetë 5 vite më parë. Ai ka thënë se kanë njohje të largëta familjare dhe duke i ditur problemin, është munduar t’i afrohet për ta ndihmuar qoftë me para apo ushqime.

Do të jetë prokuroria që do të hetojë në vazhdimësi mbi rastin për të zbardhur gjithë ngjarjen./ CNA





Lajmet e fundit nga