web counter
LEXO PA REKLAMA!

SHKARKO APP

App Store
Google Play

E rëndë në burgun e Reçit/ Gjendet i vetëvarur 35-vjeçari

27 Janar 2025, 12:05, Kronika CNA

E rëndë në burgun e Reçit/ Gjendet i vetëvarur

Një ngjarje e rëndë ka ndodhur në burgun e Reçit në Shkodër. Sipas raportimeve shtetasi S.D., 35 vjeç, është gjetur i vetëvarur në qeli.

Ai është transportuar menjëherë në spitalin e Shkodrës ku ka ndërruar jetë në urgjencë.

Sipas ekipit mjekësor të burgut, 35-vjeçari është trajtuar si pacient me probleme të çrregullimit mendor.

"Në datën 27.01.2025, rreth orës 09:50, në Institucionin e Ekzekutimit të Vendimeve Penale (IEVP) Shkodër, shtetasi Sandër Dedaj, i datëlindjes 10.10.1990, lindur dhe banues në Laç (Kurbin), i arrestuar më 27.12.2023 për akuzën e plagosjes së rëndë me dashje, u gjet i vetëvarur në dhomën e tij nga punonjësi i shërbimit.

Menjëherë pas konstatimit, iu dha ndihma e parë mjekësore nga nd/mjeku i institucionit dhe më pas u transportua me urgjencë në spitalin e Koplikut, ku mori trajtim mjekësor të mëtejshëm. Prej andej, u transferua në Spitalin Rajonal Shkodër me shenja jete për kujdes të specializuar. Pavarësisht përpjekjeve intensive të ekipit mjekësor në Sallën e Reanimacionit, rreth orës 10:53, mjekët specialistë konfirmuan vdekjen e tij (exitus letalis).

Autoritetet përkatëse, përfshirë SHKBSB, Prokurorinë dhe familjarët e të ndjerit, janë njoftuar menjëherë dhe ngjarja është nën hetim për të sqaruar të gjitha rrethanat", njofton policia./ CNA





Lajmet e fundit nga