web counter
LEXO PA REKLAMA!

SHKARKO APP

App Store
Google Play

Misteri i vrasjes së 52-vjeçarit/ Gazetari: Biznesmeni u qëllua me armë sportive të shkurtër

14 Nëntor 2024, 21:46, Kronika CNA

Misteri i vrasjes së 52-vjeçarit/ Gazetari: Biznesmeni u qëllua

Gazetari Merin Maçi ka treguar dinamikën e vrasjes së biznesmenit E.R 52-vjeç i cili u vra mbrëmjen e kaluar në Tiranë.

I ftuar në emisionin Opinion, ai tha se 52-vjeçari është qëlluar me armë sportive të shkurtër. Plumbi e ka prekur pas veshit.

Sipas gazetarit 52-vjeçari është qëlluar nga një armë me silenciator.Gazetari thekson se mbetet ende mister e shkuara e biznesmenit.

"Ka qenë në këtë godinë pesëkatëshe së bashku me bashkëshorten e tij ku kanë disa ambiente që i japin me qira në formën e AirBnB. Po në këtë zonë kanë një banesë në këtë pallat, ndërsa është dhe një biznes po në pronësi të 52-vjeçarit të dhënë me qira.

Rreth orës 22:44 ka qenë në ambientet e godinës pesëkatëshe së bashku me bashkëshorten duke kryer disa procese të mirëmbajtjes së kësaj godine. Në orën 22:44 është shquar nga kamerat teksa del vetëm. Në duar ka telefon teksa shihet duke shkruar. Nuk është ajo zhurma karakteristike e armëve të zjarrit.

Mund të ketë përdorur silenciator ose armë sportive. Të paktën ky është dyshimi i grupit hetimor që qitja është bërë me armë sportive të shkurtër. Denoncimi është bërë për një person të gjakosur, ndoshta edhe për shkak të tronditjes që kanë pësuar nga skena që kanë pare.

Në spital është parë që plumbi që ka marrë 52-vjeçari është në pjesën e djathtë të kokës, mbi vesh. Një plumb i vetëm. Për disa orë ka luftuar me jetën, por nuk ka arritur të mbijetojë.

Nga grupi hetimor më thonë që nuk është pistoletë, një armë që ka precizion dhe në këtë kushte dyshimet janë për një armë sportive. Ajo që e bën më enigmë, është e kaluara e 52-vjeçarit", tha gazetari./ CNA





Lajmet e fundit nga