web counter
LEXO PA REKLAMA!

SHKARKO APP

App Store
Google Play

Prodhonte materiale pornografike me të mitur/ Arrestohet 71-vjeçari amerikan në Tiranë

14 Nëntor 2024, 09:25, Kronika CNA
Prodhonte materiale pornografike me të mitur/ Arrestohet 71-vjeçari
Foto ilustruese

Një 71-vjeçar amerikan është arrestuar pas disa muajsh hetime në kuadër të operacionit policor të koduar “Gjurma virtuale”.

Bëhet fjalë për shtetasin amerikan D. L., me banim në Tiranë.

71-vjeçari dyshohet se në Shqipëri prodhonte dhe posedonte materiale pornografike me të mitur.

Në shtëpinë e tij janë gjetur dhe sekuestruar pajisje elektronike dhe materiale të tjera, që kanë shërbyer për kryerjen e kësaj veprimtarie kriminale.

Njoftimi i plotë:

Operacioni, rezultat i bashkëpunimit të ngushtë ndërmjet Task Forcës për Shërbimet e Përbashkëta Investiguese në Departamentin e Policisë Kriminale dhe Njësisë kundër Krimeve Kibernetike, me Zyrën Rajonale të Sigurisë së Ambasadës së ShBA në Tiranë (RSO/OCIU) dhe me Prokurorinë e Tiranës

Prodhonte dhe posedonte materiale pornografike me të mitur, arrestohet 71-vjeçari (shtetas amerikan, me precedent penal jashtë Shqipërisë).

Hetimet disamujore të kryera në kuadër të operacionit policor të koduar “Gjurma virtuale” rezultuan me identifikimin dhe ndalimin e shtetasit amerikan D. L., 71 vjeç, banues në Tiranë.

Ai dyshohet se në Shqipëri, prodhonte dhe posedonte materiale pornografike me të mitur.

Në zbatim të urdhrit të Prokurorit, për ekzekutimin e vendimit të gjykatës, për lejim të kontrollit, Departamenti i Policisë Kriminale kreu kontroll në banesën e 71-vjeçarit, ku gjeti dhe sekuestroi pajisje elektronike dhe materiale të tjera, që kanë shërbyer për kryerjen e kësaj veprimtarie kriminale.

Vijojnë hetimet.

Materialet procedurale i kaluan Prokurorisë së Tiranës, për veprime të mëtejshme./ CNA





Lajmet e fundit nga