web counter
LEXO PA REKLAMA!

SHKARKO APP

App Store
Google Play

Mbajti me forcë të miturën, me të cilën dyshohet se kishte marrëdhënie intime/ Pranga 33-vjeçarit

7 Shtator 2025, 09:52, Kronika CNA

Mbajti me forcë të miturën, me të cilën dyshohet se

Policia e Durrësit ka arrestuar një 33-vjeçar, i cili ka mbajtur me forcë një të mitur.

E. Z. ka mbajtur me forcë në banesë duke mos e lejuar të largohet, një 15-vjeçare me të cilën dyshohet se kishte marrëdhënie intime.

Gjatë kontrollit në banesë, të arrestuarit iu gjetën dhe sekuestruan në cilësinë e provës materiale një armë zjarri pistoletë dhe municion luftarak.

I arrestuari akuzohet për dhunë në familje, heqja e paligjshme e lirisë dhe mbajtja e municionit luftarak.

 

Njoftimi i policisë

Durrës

Mbajti me forcë në banesë një 15-vjeçare, duke mos e lejuar të largohej dhe duke ushtruar dhunë psikologjike ndaj saj, arrestohet në flagrancë 33-vjeçari.

Gjatë ndërhyrjes, Policia i gjeti 33-vjeçarit një armë zjarri pistoletë me silenciator dhe municion luftarak.

Shërbimet e Komisariatit të Policisë Durrës dhe ato operacionale të Drejtorisë Vendore të Policisë Durrës, pas njoftimit të marrë se një shtetas kishte mbajtur me forcë një 15-vjeçare, me të cilën dyshohet se kishte një marrëdhënie intime dhe nuk e lejonte të largohej nga banesa e tij, duke ushtruar dhunë psikologjike ndaj saj, kanë ndërhyrë duke kapur në flagrancë dhe vënë në pranga shtetasin:

E. Z., 33 vjeç, banues në lagjen nr. 14, Durrës.

Gjatë ndërhyrjes dhe kontrollit të banesës, shërbimet e Policisë i gjetën këtij shtetasi një armë zjarri pistoletë “Zastava” me silenciator dhe municion luftarak, të cilat u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprat penale “Dhuna në familje”, “Heqja e paligjshme e lirisë” dhe “Mbajtja pa leje e armëve dhe municioneve”./ CNA





Lajmet e fundit nga