web counter
LEXO PA REKLAMA!

SHKARKO APP

App Store
Google Play

Vrasja në Shkodër/ Zbulohen detaje, dyshohet se u ekzekutua nga vrasës me pagesë

5 Shtator 2025, 12:19, Kronika CNA

Vrasja në Shkodër/ Zbulohen detaje, dyshohet se u ekzekutua nga

Detaje të reja janë zbardhur nga krimi një natë më parë në Shkodër. Sipas të dhënave, 34-vjeçari me inicialet K.K., dyshohet të jetë ekzekutuar nga një vrasës me pagesë.

Policia e Shkodrës e cilëson vrasje të stilit mafioz për të cilën ende nuk kanë arritur në gjurmët e autorëve.

Sipas burimeve policore, dy persona me një motor e kanë ruajtur 34-vjeçarin përballë lokalit ku po qëndronte në zonën e Kinemasë.

Sipas dëshmitarëve, 2 personat e veshur me të zeza në një motor kanë lëvizur pak minuta më parë në drejtim të kundërt e më pas janë rikthyer për të përfunduar atentatin, i cili ndodhi në momentin kur 34-vjeçari la lokalin për t'iu drejtuar makinës së tij.

Vrasja në Shkodër/ Zbulohen detaje, dyshohet se u ekzekutua nga

Një lëvizje kjo që konsiderohet si e mirëmenduar nga ana e ekzekutorëve. K.K. nuk kishte precedentë penalë dhe gjatë ditës shihej teksa lëvizte lirshëm në rrugët e qytetit.

Ai së bashku me babain e tij kishin një firmë ndërtimi dhe së fundmi po bënin shtrimin e pllakave në rikonstruksionin e Kinemasë në Shkodër përballë vendit ku ndodhi edhe ngjarja që i mori jetën. 

Grupi hetimor vijon punën bashkë me prokurorinë për të bërë të mundur zbardhjen e plotë të ngjarjes së rëndë të ndodhur në Shkodër, e cila tronditi mbarë opinionin pasi ekzekutimi u krye në një nga zonat më të frekuentuara, e cila vazhdimisht ka patrulla policie.

E deri më tani kjo e fundit nuk ka një pistë apo persona të dyshuar duke e bërë edhe më të vështirë dokumentimin e ngjarjes./ CNA





Lajmet e fundit nga