web counter
LEXO PA REKLAMA!

SHKARKO APP

App Store
Google Play

E fundit!

x

Nxiti djemtë e mitur të plagosnin një person/ Arrestohen babai dhe djali 16-vjeçar

4 Shtator 2025, 08:43, Kronika CNA

Nxiti djemtë e mitur të plagosnin një person/ Arrestohen babai

Babë e bir kanë rënë në prangat e policisë së Shkodrës pasi ishin shpallur në kërkim për një plagosje të kryer më 20 korrik 2025.

V.D., 43 vjeç, dhe djemtë e tij të mitur 14 dhe 16 vjeç, plagosën me thikë shtetasin P.G., 33 vjeç, pas një konflikti.

Mbi babain rëndon akuza "shtytje e të miturve në krim", ndërsa ndaj djalit 16-vjeçar ajo e “vrasjes me dashje”, kryer në bashkëpunim, e mbetur në tentativë.

Njoftimi i policisë:

Kapen dhe ndalohen 2 shtetas (babë e bir) të shpallur në kërkim për një plagosje të kryer disa javë më parë. 

Gjendet në banesën e tyre dhe sekuestrohet thika që dyshohet se është përdorur për plagosjen.

Specialistët për Hetimin e Krimeve ndaj Personit, në bashkëpunim me shërbimet e Forcës së Posaçme "Shqiponja", si rezultat i kontrolleve intensive, kanë kapur dhe vënë në pranga shtetasit: 

-V. D., 43 vjeç, banues në fshatin Grudë, për veprën penale “Shtytja e të miturve në krim”;

-djalin e tij 16 vjeç, banues në fshatin Grudë, për veprat penale “Vrasje me dashje”, kryer në bashkëpunim, mbetur në tentativë, dhe “Prodhimi, mbajtja, blerja apo shitja pa leje e armëve të ftohta”.

Këta shtetas ishin shpallur në kërkim pasi dyshohet se më datë 20.07.2025, në sheshin “Prek Cali”, janë konfliktuar fizikisht për motive të dobëta me shtetasin P. G., 33 vjeç, dhe gjatë konfliktit, 16-vjeçari, në bashkëpunim me vëllanë e tij 14 vjeç, ka goditur me thikë 33-vjeçarin. 

Veprimet procedurale për 16-vjeçarin dhe për 14-vjeçarin (pa përgjegjësi penale për shkak të moshës) janë kryer duke respektuar Kodin e Drejtësisë për të Mitur. /CNA

 





Lajmet e fundit nga