web counter
LEXO PA REKLAMA!

SHKARKO APP

App Store
Google Play

Laboratori në Fushë-Krujë/ Gazetarja: Pas trafikimit fshihet një emër i njohur

18 Nëntor 2024, 22:14, Kronika CNA

Laboratori në Fushë-Krujë/ Gazetarja: Pas trafikimit fshihet

Një hetim i SPAK-ut në bashkëpunim me autoritetet spanjolle ka çuar në zbulimin e një laboratori kokaine në Qerekë të Fushë-Krujës.

Për këtë megaoperacion foli mbrëmjen e sotme gazetarja Glidona Daci në MCN, ku bëri të ditur se personat e përfshirë në trafikun ndërkombëtar të kokainës janë emra të rinj.

Gazetarja deklaroi se pas tyre fshihet një emër i njohur, por nuk tregoi se për kë bëhet fjalë.

"U kap para disa vitesh grupi i drogës së Frakullit që e sollën me pleh organik, në atë kohë ishte shteas kolumbian që e ndante kokainën nga plehu. SPAK që kur ka nisur hetimet në 2023 deri tani ka bërë përgjime, fotografime, hetime, kishte informacione edhe nga agjencitë e huaja, që në territorin tonë po vinte lëndë narkotike. Lëkurët e kafshëve janë porositur nëpërmjes Alb-Lëkurë, administratori pastaj ua ka kaluar personave të arrestuar.

Më pas ngarkesa u porosit në maj 2024. Nga Maji në Korrik ka mbërritur në Shqipëri, ka kaluar në Portin e Durrësit. Ka qëndruar një muaj, është marrë kontejneri dhe është dërguar në Mullet. Janë marrë lëkurët dhe janë dërguar në Qerekë të Fushë Krujës, ku kishte pajisje të teknologjisë së fundit, që kanë kosto shumë të lartë.

Ngarkesa e fundit ka mbërritur në Nëntor. Janë bërë 48 ton në total. Në ngarkesën e parë nuk është ndërhyrë se nuk kishin ardhur kolumbiani dhe venezueliani për të bërë ndarjen e lëndës narkotike. Ngarkesa e parë nuk është përcaktuar rruga ku mund të ketë ndaluar, por e dyta ka ndaluar edhe në Itali.

Nga verifikimet, nuk rezultojnë persona me precedent të theksuar kriminalë, apo me të shkuar kriminale, që të ishin të skeduar. Janë të rinj, që pas tyre fshihet një emër i njohur, por duhet ta provojë hetimi. Kur SPAK ka bërë ndërhyrjen, ka shkuar në laboratorin kryesor në Qerekë. Ka patur edhe dy magazinime, pranë Portit të Durrësit dhe tjetra në rezidencën Kodra e Diellit 2. Ajo që bën përshtypje, sofistikimi i krimit të organizuar, mënyra që zgjedhin për trafikimin, magazinimin. Baza e Qerekut është afër Rinasit. Kemi dhe pjesën tjetër afër Portit", theksoi Daci./ CNA





Lajmet e fundit nga