web counter
LEXO PA REKLAMA!

SHKARKO APP

App Store
Google Play

E fundit!

x

Kontrolle në akset e Lezhës/ Ndëshkim me gjobë për 3165 drejtues mjetesh

30 Qershor 2025, 16:15, Kronika CNA

Kontrolle në akset e Lezhës/ Ndëshkim me gjobë për 3165

Policia Rrugore e Lezhës, e pranishme 24/7, në të gjitha akset rrugore, me fokus ato lidhëse me zonën bregdetare, me qëllim garantimin e sigurisë rrugore.

Shërbimet e Policisë Rrugore kanë rritur gatishmërinë dhe vigjilencën, me qëllim përmbushjen e parametrave të sigurisë, parandalimin e aksidenteve rrugore dhe menaxhimin e trafikut për shkak të fluksit të shtuar të automjeteve, gjatë sezonit veror.

Gjithashtu, monitorojnë pandërprerë akset rrugore, me pajisje të logjistikës bashkëkohore, të loguara dhe të paloguara, me qëllim evidentimin e shkeljeve që janë burim aksidenti, si dhe parkimet e gabuara që bëhen pengesë për qarkullimin.

Gjatë muajit qershor, janë vënë në pranga 19 drejtues mjetesh, nga këta 9 për drejtim mjeti në gjendje të dehur dhe 10 për drejtim mjeti pa leje drejtimi.

Gjithashtu, janë ndëshkuar administrativisht në total 3165 drejtues mjetesh, konkretisht:

 680, për qarkullim me shpejtësi tej normave të lejuara;

 1187, për parakalime të gabuara;

122, për përdorim të celularit, gjatë drejtimit të mjetit;

113, për mosvendosje të kaskës mbrojtëse;

100, për mosvendosje të rripit të sigurimit;

36, për drejtim të mjetit pas përdorimit të pijeve alkoolike;

399, për parkime të gabuara

528, për shkelje të ndryshme të Kodit Rrugor.

Kontrollet e shtuara nga Policia do të vijojnë, në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore./CNA





Lajmet e fundit nga