web counter
LEXO PA REKLAMA!

SHKARKO APP

App Store
Google Play

Mbolli parcelën me kanabis/ Vihet në pranga 45-vjeçari, po kujdesej për bimët

28 Qershor 2025, 11:04, Kronika CNA

Mbolli parcelën me kanabis/ Vihet në pranga 45-vjeçari, po

Në kuadër të operacionit “Koordinata” është goditur një rast i kultivimit të narkotikëve në fshatin Berzanë të Njësisë Administrative Zejmen.

Nga kontrollet u zbulua një parcelë me 150 bimë narkotike.

Gjithashtu u arrestua në flagrancë 45-vjeçari Z. K., i cili po kujdesej për bimët narkotike.

 

Njoftimi i policisë

Shërbimet e Komisariatit të Policisë Lezhë, si rezultat i kontrolleve dhe hetimeve të kryera me metoda proaktive, në kuadër të planit operacional “Koordinata”, goditën një rast të tentativës për kultivim të bimëve narkotike.

Gjatë kontrollit të territorit, në fshatin Berzanë, Njësia Administrative Zejmen, u zbulua një parcelë me 150 bimë të dyshuara narkotike, të llojit cannabis sativa.

Bimët u asgjësuan me anë të djegies, ndërsa një pjesë e tyre u sekuestrua në cilësinë e provës materiale.

Gjatë ndërhyrjes, në parcelë u kap në flagrancë duke u kujdesur për bimët dhe u arrestua shtetasi Zef Kola, 45 vjeç, banues në fshatin Berzanë, për veprën penale “Kultivimi i bimëve narkotike”.

Vijon puna për dokumentimin e plotë të kësaj veprimtarie kriminale dhe identifikimin e personave të tjerë të përfshirë.





Lajmet e fundit nga