web counter
LEXO PA REKLAMA!

SHKARKO APP

App Store
Google Play

E fundit!

x

Vihen në pranga dy persona në Tiranë/ Gjenden armë zjarri dhe 40 mijë euro

26 Qershor 2025, 11:21, Kronika CNA

Vihen në pranga dy persona në Tiranë/ Gjenden armë zjarri

Policia e Tiranës ka goditur dy raste të armëmbajtjes pa leje, ku si rezultat janë vënë në pranga dy persona dhe është proceduar penalisht një tjetër.

Gjithashtu nga finalizimi i operacionit janë sekuestruar 40 mijë euro.

Në pranga ka rënë 21-vjeçari P. K., pasi gjatë kontrollit iu gjet një armë zjarri pa leje.

Ndërsa u procedua penalisht xhaxhai i tij, i cili pengoi zbulimin e së vërtetës.

Personi tjetër që ra në pranga është 30-vjeçari H. A., të cilit gjatë kontrollit në automjetin që drejtonte iu gjet një armë zjarri pa leje dhe shuma monetare prej 40 mijë eurosh.

 

Njoftimi i policisë

Tiranë/Kontrolle intensive për konstatimin dhe ndalimin e shtetasve që qarkullojmë me armë zjarri.

Finalizohet operacioni policor i koduar “Kontigjenti”. Gjatë 24 orëve të fundit, goditen 2 raste të mbajtjes së armës së zjarrit, në mënyrë të kundërligjshme.

Sekuestrohen 2 pistoleta, municion luftarak dhe rreth 40 000 euro të dyshuara produkt i veprimtarive kriminale.

Për të dyja rastet, vihen në pranga 2 shtetas dhe procedohet në gjendje të lirë, 1.

Si rezultat i kontrolleve sistematike dhe atyre të mbështetura te informacionet e siguruara në rrugë operative, me synim garantimin e sigurisë publike dhe parandalimin e ngjarjeve kriminale, Komisariati i Policisë Nr. 5 dhe Forca e Posaçme “Shqiponja”, në bashkëpunim me Seksionin për Gjurmimin e Aseteve Kriminale, goditën gjatë 24 orëve të fundit, 2 raste të mbajtjes në mënyrë të kundërligjshme, të armëve të zjarrit. Konkretisht, në kuadër të operacionit “Kontigjenti”:

- u arrestua shtetasi P. K., 21 vjeç dhe u procedua në gjendje të lirë xhaxhai i tij, shtetasi A. K., 46 vjeç. Gjatë kontrollit fizik, në rrugën “George Ë. Bush”, ku 2 shtetasit lëviznin së bashku, 21-vjeçarit iu gjet 1 armë zjarri pistoletë me municion, që e posedonte pa leje. Ndërkaq, 46-vjeçari ka penguar zbulimin e së vërtetës, duke dhënë deklarata kontradiktore për rastin;

-u vu në pranga shtetasi H. A., 30 vjeç, sepse nga kontrolli në automjetin që drejtonte, në rrugën “Dritan Hoxha”, iu gjetën 1 pistoletë dhe rreth 40 000 euro. Ai ishte i pajisur me autorizim për mbajtjen e armës së zjarrit, vetëm në banesë, ndërsa për shumën e parave nuk kishte dokument justifikues. Vijojnë hetimet për të përcaktuar burimin e parave.

Materialet procedurale iu referuan Prokurorisë së Tiranës, për veprime të mëtejshme./ CNA





Lajmet e fundit nga