E fundit!

12:56 Aktualitet

VIDEO/ Rama i kritikon, kryebashkiakët ia plasin të qeshurës

Kryeministri Edi Rama ka kritikuar ditën e sotme gjatë zhv...

Përfitonte kredi me ID e nënave me fëmijë të mitur/ Zbulohet skema e mashtrimit

26 Qershor 2025, 14:09, Kronika CNA

Përfitonte kredi me ID e nënave me fëmijë të mitur/

Një skemë mashtrimi është zbuluar në Lezhë, ku një 33-vjeçare merrte kredi me kartat e identitetit të personave të tjerë.

Kjo skemë mashtrimi u zbulua pas 16 kallëzimieve të bëra për këtë rast.

Por si funksiononte kjo skemë mashtrimi?

D. C., 33 vjeçe, dyshohet se u prezahtohej si përfaqësuese e një shoqate bamirësie shtetasve me fëmijë të mitur dhe kështu arrinte t’u merrte atyre të dhënat personale.

33-vjeçarja këtyre personave u premtonte pagesa mujore dhe duke përdorur të dhënat e tyre aplikonte dhe merrte kredi në institucione financiare. Para të cilat transferoheshin në një llogari në pronësi të 33-vjeçares.

Si rezultat i hetimeve u vu në pranga 33-vjeçarja si dhe iu sekuestruan dokumente bankare që pasqyrojnë tranfertat e parave të përfituara nga kreditë.

Njoftimi i policisë

DVP Lezhë/Finalizohet operacioni policor i koduar “Kredia”.

Iu merrte foto të kartës së identitetit, shtetaseve, duke i mashtruar se ishte përfaqësuese e një shoqate bamirësie, dhe me të dhënat e tyre merrte kredi, vihet në pranga 33-vjeçarja.

Arrestimi i saj, rezultat i administrimit të shpejtë të 16 kallëzimeve për këtë skemë mashtrimi.

Sekuestrohen dokumente bankare.

Specialistët për Hetimin e Krimeve Ekonomike dhe Financiare, si rezultat i administrimit të kallëzimit të disa shtetaseve, për një shtetase që iu kishte marrë të dhënat personale, nëpërmjet mashtrimit, duke u prezantuar si përfaqësuese e një shoqate bamirësie, finalizuan operacionin policor të koduar “Kredia”.

Në kuadër të operacionit u arrestua shtetasja D. C., 33 vjeçe, banuese në Tiranë.

Nga hetimet dyshohet se shtetasja D. C. iu prezantohej shtetaseve me fëmijë të mitur, si përfaqësuese e një shoqate bamirësie për nëna me fëmijë të mitur, dhe iu merrte atyre të dhënat personale (foto të kartës së identitetit), duke iu premtuar pagesa mujore. Më pas, duke përdorur të dhënat e tyre, aplikonte dhe merrte kredi në institucione financiare.

Në cilësinë e provës materiale janë sekuestruar dokumente bankare që pasqyrojnë tranfertat e parave të përfituara nga kreditë, në një llogari që administrohej nga shtetasja D. C.

Vijojnë hetimet për dokumentimin e plotë të kësaj skeme mashtrimi dhe për identifikimin e shtetasve të tjerë të përfshirë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./ CNA