LEXO PA REKLAMA!

SHKARKO APP

App Store
Google Play

Kërcënuan me armë dhe rrahën pronarin e një lokali/ Arrestohet 27-vjeçari, procedohen dy vëllezër

10 Qershor 2023, 14:22, Kronika CNA

Kërcënuan me armë dhe rrahën pronarin e një

Policia ka marrë informacione për një konflikt për motive të dobëta, të ndodhur në një lokal në Shijak.

Blutë kanë organizuar menjëherë punën për të neutralizuar konfliktin dhe për të arrestuar shtetasit përgjegjës.

Si rezultat i veprimeve të shpejta procedurale dhe hetimore të kryera në vendngjarje, shërbimet e Policisë arrestuan shtetasin F. Ç., 27 vjeç, banues në Shijak, si dhe referuan materialet në Prokurori ku nisi procedimi në gjendje të lirë për 2 vëllezërit e tij, shtetasit Xh. Ç., 32 vjeç, A. Ç., 27 vjeç, gjithashtu banues në Shijak.

Nga këto veprime rezultoi se shtetasi F. Ç., në bashkëpunim me 2 vëllezërit e tij, pas një konflikti për motive të dobëta, kanë kanosur me armë imituese, shtetasin M. Rr., 29 vjeç, banues në Shijak (pronar i një lokali në Shijak), e kanë goditur atë me send të fortë (çekiç), si dhe kanë thyer xhamat e lokalit në pronësi të tij.

Sendet e kundërligjshme që u përdorën për kryerjen e këtij krimi, si dhe automjeti i këtyre shtetasve, u sekuestruan në cilësinë e provës materiale.

Ndërkohë, materialet procedurale i kaluan Prokurorisë pranë Gjykatës së Shkallës së Parë së Juridiksionit Durrës, për veprime të mëtejshme, për veprat penale "Plagosja e lehtë me dashje" dhe "Kanosja"./ CNA.al

Lajmet e fundit nga