web counter
LEXO PA REKLAMA!

SHKARKO APP

App Store
Google Play

Kapen "mat" 20 persona duke luajtur poker/ Arrestohen 2 prej tyre në Bilisht

14 Nëntor 2022, 16:21, Kronika CNA
Kapen "mat" 20 persona duke luajtur poker/ Arrestohen 2 prej tyre
Foto ilustruese

Policia ka goditur një rast i ushtrimit të aktivitetit të paligjshëm të lojërave të fatit në Bilisht, ku ka proceduar penalisht 20 persona, 2 prej të cilëve u arrestuan në flagrancë.

Në bazë të informacioneve të siguruara nëpërmet inteligjencës informative se në qytetin e Bilishtit, në një banesë që kishte në përdorim shtetasi me iniciale A.B., ushtrohej aktiviteti i kundërligjshëm i lojërave të fatit, kryesisht poker, blutë organizuan operacionin e koduar "Basti i fundit".

Gjatë kontrolleve në këtë ambient, u konstatuan disa persona që ishin duke luajtur lojëra fati.

Në përfundim të veprimeve për këtë rast u bë arrestimi në flagrancë i shtetasve me iniciale K.K., 29 vjeç dhe A.B., 29 vjeç, banues në Bilisht.

Gjithashtu u referuan materialet në Prokurori dhe filloi procedimi penal në gjendje të lirë për 18 shtetasit e mëposhtëm: 

E. B., 43 vjeç; K. M., 30 vjeç; Xh. N., 36 vjeç; E. G., 30 vjeç; A. Ç., 30 vjeç; A. Sh., 42 vjeç; A. S., 50 vjeç; K. N., 24 vjeç; M. K., 38 vjeç; K. Xh., 30 vjeç; M. C., 24 vjeç, banues në Bilisht; R. Ç., 39 vjeç dhe R. M., 20 vjeç, banues në fshatin Vërlen, Devoll; A. G., 32 vjeç, banues në fshatin Çipan, Devoll; E. D., 29 vjeç, banues në fshatin Dishnicë, Korçë; Zh. L., 33 vjeç, banues në fshatin Bulgarec, Korçë; J. S., 48 vjeç dhe M. R., 34 vjeç, banues në Pogradec.

Në cilësinë e provës materiale u sekuestruan shuma parash dhe 5 pako me letra bizhozi që përdoreshin për ushtrimin e aktivitetit të lojërave të fatit.

Ndërkaq, materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme./ B.A. – CNA.al





Lajmet e fundit nga