web counter
LEXO PA REKLAMA!

SHKARKO APP

App Store
Google Play

E fundit!

x

Jepnin me fajde para të përfituara nga krimi/ Në pranga 3 persona, 1 tjetër në kërkim

11 Dhjetor 2025, 16:08, Kronika CNA

Jepnin me fajde para të përfituara nga krimi/ Në pranga 3

Policia e Gjirokastrës ka vënë në pranga 3 persona dhe ka shpallur në kërkim një tjetër.

Katër shtetasit e përfshirë, 2 vëllezër dhe 2 djemtë e tyre jepnin para me fajde, para të cilat dyshohet se janë përfituar nga veprimtari kriminale.

Janë arrestuar R. K., 56 vjeç, vëllai i tij, shtetasi L. K., 59 vjeç, si dhe djali i 59-vjeçarit, shtetasi P. K., 28 vjeç. Në kërkim u shpall djali i 56-vjeçarit, shtetasi B. K., 27 vjeç.

Policia sekuestroi lekë, euro, dollarë amerikanë, paundë, franga, dollarë kanadezë, lira turke, blloqe me shënime, kompjuterë, celularë dhe sende të tjera.

 

Njoftimi i policisë

Gjirokastër/Finalizohet pas një hetimi të kryer për disa muaj, me metoda proaktive, operacioni policor "Trace the flow".

Në 2 subjekte “Exchange”, në Tiranë dhe në Gjirokastër, jepnin me fajde, para me burime kriminale, arrestohen 3 shtetas (ndërmjet tyre, organizatori) dhe shpallet në kërkim 1.

4 shtetasit e përfshirë, 2 vëllezër me 2 djemtë e tyre.

Nga 2 subjektet dhe nga banesat e këtyre shtetasve, u sekuestruan: 26 963 200 lekë, 132 760 euro, 42 596 dollarë amerikanë, 8 780 paunde, 10 380 franga, 3145 dollarë kanadezë, 85 720 lira turke, 18 blloqe me shënime, 6 kompjuterë, 6 celularë dhe sende të tjera që do t’i shërbejnë vijimit të hetimit.

Si rezultat i një hetimi disamujor, të ndjekur me metoda speciale, në drejtimin e Prokurorisë së Gjirokastrës, për provimin e një rasti të pastrimit të parave me burime të dyshimta, nëpërmjet huadhënies së tyre, me përqindje të lartë fitimi, specialistët për Hetimin e Krimeve Ekonomio-Financiar, në bashkëpunim me specialistët për Hetimin e Trafiqeve dhe Narkotikëve, finalizuan operacionin "Trace the floë".

Gjatë operacionit u vunë në pranga shtetasi R. K., 56 vjeç, vëllai i tij, shtetasi L. K., 59 vjeç, si dhe djali i 59-vjeçarit, shtetasi P. K., 28 vjeç, si dhe u shpall në kërkim djali i 56-vjeçarit, shtetasi B. K., 27 vjeç, të katërt banues në fshatin Kordhocë, Lazarat.

Nga hetimet dyshohet se nëpërmjet 2 subjekteve “Exchange” në pronësi të 56-vjeçarit, në Gjirokastër dhe në Tiranë, 4 shtetasit jepnin me fajde, para të dyshuara të përfituara nga veprimtari kriminale.

Punohet intensivisht për kapjen e 27-vjeçarit.

Materialet procedurale iu referuan Prokurorisë së Gjirokastrës, për veprime të mëtejshme, për veprat penale “Skemat mashtruese dhe piramidale”, “Pastrimi i produkteve të veprës penale ose veprimtarisë kriminale” dhe “Fshehja e të ardhurave”./CNA





Lajmet e fundit nga