web counter
LEXO PA REKLAMA!

SHKARKO APP

App Store
Google Play

Përshtati subjektin që administronte për lojëra fati/ Arrestohet i riu në Tiranë

11 Dhjetor 2025, 15:51, Kronika CNA

Përshtati subjektin që administronte për lojëra fati/

Është vënë në pranga shtetasi D. V.., 22 vjeç, administrator i një subjekti që kishte përshtatur ambientin për veprimtarinë e lojërave të fatit. 

Në subjektin në rrugën “Don Bosko” u gjetën dhe sekuestruan 1 njësi kompjuterike dhe një celular në cilësinë e provës materiale.

I riu u arrestua për veprat penale “Organizimi i lotarive të palejuara”, “Vënia në dispozicion e lokaleve për lojëra të palejuara”.

Njoftimi i policisë:

Tiranë/Finalizohet operacioni policor i koduar “Betfall”. 

Vihet në pranga administratori i një subjekti i cili e kishte përshtatur ambientin për veprimtarinë e paligjshme të lojërave të fatit.

Sekuestrohen 1 njësi kompjuterike dhe 1 aparat celular. 

Strukturat për Hetimin e Krimeve Kibernetike në bashkëpunim me Forcën e Posaçme Operacionale të DVP Tiranë, bazuar në informacionet e siguruara në rrugë operative, kanë organizuar kontrolle në ambiente të ndryshme ku dyshohej se organizoheshin lojëra fati dhe si rezultat kanë goditur 1 rast të kësaj veprimtarie.  

Gjatë kontrollit në subjektin në administrim nga  shtetasi D. V., në rrugën “Don Bosko”, shërbimet e Policisë gjetën dhe sekuestruan 1 njësi kompjuterike në të cilin ishin të hapur ëebsite të cilat shërbenin për ushtrimin e aktivitetit të paligjshëm të lojërave të fatit.

Në përfundim të veprimeve u arrestua në flagrancë shtetasi  D. V., 22 vjeç, banues në Tiranë, për veprat penale “Organizimi i llotarive të palejuara”, “Vënia në dispozicion e lokaleve për lojra të palejuara”.

Materialet procedurale i kaluan Prokurorisë. /CNA





Lajmet e fundit nga