web counter
LEXO PA REKLAMA!

SHKARKO APP

App Store
Google Play

E fundit!

x

Inskenoi atentatin/ Vihet në pranga 40-vjeçari që u plagos në Marikaj

27 Maj 2025, 12:57, Kronika CNA

Inskenoi atentatin/ Vihet në pranga 40-vjeçari që u plagos

Policia ka zbardhur rrethanat e ngjarjes së djeshme në Marikaj, ku një person u paraqit në spital i plagosur me armë zjarri.

Ditën e sotme blutë bëjnë me dije se E. A. (M.) fillimisht u plagos aksidentalisht me armën që e posedonte pa leje dhe më pas qëlloi disa herë, me qëllim inskenimin e një atentati ndaj tij.

40-vjeçari, i dëmuar më parë për armëmbajtje pa leje dhe krime kundër pronës, është vënë në pranga nga policia.

Gjithashtu është arrestuar dhe një 43-vjeçar për moskallëzim krimi.

 

Njoftimi i policisë

DVP Tiranë

Dokumentohen rrethanat e ngjarjes së ndodhur mëngjesin e djeshëm, në fshatin Marikaj. U vetëplagos aksidentalisht në banesë, me armën e zjarrit që e posedonte pa leje, dhe më pas shtiu disa herë, që të inskenonte një atentat ndaj tij, vihet në pranga 40-vjeçari. I arrestuari, i dënuar më parë për armëmbajtje pa leje dhe për krime kundër pronës.  

Vihet në pranga dhe një 43-vjeçar, për moskallëzim krimi.  Në vijim të veprimeve hetimore të kryera nga Komisariati i Policisë Vorë, në drejtimin e Prokurorisë, për zbardhjen e rrethanave të plagosjes me armë zjarri të një shtetasi, i cili ishte paraqitur në spital, për ndihmë mjekësore, u bë e mundur zbardhja dhe dokumentimi i rrethanave të ngjarjes. Në përfundim të veprimeve për rastin, u arrestuan shtetasit: E. A.(M.), 40 vjeç (shtetasi i dëmtuar) dhe S. K., 43 vjeç, të dy banues në fshatin Marikaj.

Nga hetimet dyshohet se 40-vjeçari është vetëplagosur aksidentalisht, në banesë, me një armë zjarri, të cilën e posedonte pa leje dhe më pas ka shtënë disa herë, që të inskenonte një atentat ndaj tij. Për të penguar zbulimin e së vërtetës, ky shtetas ka hequr DVR-në e një kamere të sigurisë pranë banesës së tij. Shtetasi S. K. e ka transportuar 40-vjeçarin në spital dhe gjatë veprimeve procedurale nga Policia, nuk ka kallëzuar për rrethanat e ngjarjes. 

40-vjeçari vijon të jetë në kujdesin e mjekëve, jashtë rrezikut për jetën. Arma e zjarrit u gjet në banesën e këtij shtetasi dhe u sekuestrua në cilësinë e provës materiale.

Materialet procedurale i kaluan Prokurorisë, për veprime të metejshme./ CNA

 





Lajmet e fundit nga