web counter
LEXO PA REKLAMA!

SHKARKO APP

App Store
Google Play

E fundit!

x

Çifti shqiptar mashtron të moshurën greke/ I merr 500 mijë euro pasuri

27 Qershor 2024, 20:19, Kronika CNA
Çifti shqiptar mashtron të moshurën greke/ I merr 500 mijë
Foto ilustruese, marrë nga Google

Një çift shqiptarësh kanë mashtruar në Greqi një të moshuar për të cilën kujdeseshin.

Shqiptarja punonte si ndihmëse e së moshuarës dhe me ndihmën e bashkëshortit të saj, kanë siguruar një prokurë noteriale dhe një vërtetim për sëmundje të shëndetit mendor.

Kështu, ata i kanë marrë në total mbi 500 mijë euro pasuri të paluajtshme dhe të luajtshme.

Mediat greke raportojnë se 82-vjeçarja ishte në gjendje të mirë shëndetësore, pavarësisht se kishte “pamundësi për të nënshkruar”, demencë dhe probleme të tjera të rënda.

Mashtrimi u zbulua pasi e moshuara u nda nga jeta në shtator të 2017-ës, kur familjarët e 82-vjeçares u njohën me testamentin, ku e gjithë pasuria i jepej çiftit nga Shqipëria.

Sipas aktakuzës, dy të pandehurit detyruan të moshuarën të nënshkruante prokura të njëpasnjëshme për menaxhimin e llogarive të saj bankare dhe për shitjen e pasurive.

Pas ndarjes nga jeta, ata kishin transferuar banesën e grekes në qendër të Selanikut në emrin e tyre.

Shqiptarët mohuan në gjykatë akuzat dhe thanë se e moshuara ua ka lënë me dëshirë pasurinë, pasi nuk u kishin marrë shumë pagesë vitet e fundit të jetës së saj. Sipas tyre, e moshuara nuk kishte kontakte me të afërmit e saj.

Çifti shqiptar u shpallën fajtorë për mashtrim dhe u dënuan me 6 vjet burg, ndërsa psikiatri që dha certifikatën u dënua me 4 vjet burg./ CNA





Lajmet e fundit nga