web counter
LEXO PA REKLAMA!

SHKARKO APP

App Store
Google Play

I dehur në timon/ Arrestohet punonjësi i policisë që shkaktoi aksident në Kamëz

13 Nëntor 2025, 20:10, Kronika CNA

I dehur në timon/ Arrestohet punonjësi i policisë që

Një inspektor policie është arrestuar në Tiranë pasi drejtonte automjetin në gjendje të dehur. Në pranga është vënë shtetasi, F. L., më detyrë ndihmës specialist i Policimit në Komunitet pranë Komisariatit Nr.5 në kryeqytet.

Inspektori i policisë u arrestua pasi pasditen e sotme u përfshi në një aksident në rrugën “George Bush” në Kamëz, me pasoja vetëm dëme materiale. Pasi i është bërë testi i alkoolit, ai ka rezultuar pozitiv në masën 0.91mg/l.

Njoftimi i plotë:

Agjencia e Mbikëqyrjes Policore (Rajoni Tiranë) ka arrestuar në flagrancë punonjësin e policisë Inspektor F. L., me detyrë Nd/Specialist i Policimit në Komunitet pranë Komisariatit Nr.5, Tiranë, i dyshuar për kryerjen e veprës penale “Drejtim i automjeteve në mënyrë të parregullt” parashikuar në nenin 291 të Kodit Penal.

Arrestimi i tij u krye pasi ditën e sotme rreth orës 16:40, duke drejtuar mjetin e tij në rrugën “George Bush” në Kamëz, është përfshirë në një aksident me pasojë vetëm dëme materiale.

Pas verifikimit me testin matës të alkoolit ka rezultuar pozitiv në masën 0.91mg/l.

Materialet proceduriale u referuan në Prokurorinë Pranë Gjykatës së Shkallës së Parë të Juridiksionit të Përgjithshëm Tiranë.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].

Për ankesa me Whatsapp 0694151511?Ose shkarkoni në Play Store dhe App Store aplikacionin “Agjencia Digjitale”. /CNA





Lajmet e fundit nga