web counter
LEXO PA REKLAMA!

SHKARKO APP

App Store
Google Play

Goditje e narkotikëve në Kurbin/ Asgjësohen 221 bimë kanabis, 1 i arrestuar

1 Shtator 2025, 15:43, Kronika CNA

Goditje e narkotikëve në Kurbin/ Asgjësohen 221 bimë

Gjatë kontrolleve në Kurbin, në vijim të operacionit policor “Koordinata”, me qëllim parandalimin, evidentimin dhe goditjen e rasteve të kultivimit të bimëve narkotike, shërbimet e Komisariatit të Policisë Kurbin goditën 2 raste të kultivimit të bimëve narkotike në fshatin Zhej, njësia administrative Mamurras.

Goditen 2 raste të kultivimit të bimëve narkotike, në fshatin Zhej. Asgjësohen 221 bimë narkotike, sekuestrohen 108 fara të kësaj bime.

Vihen në pranga 2 shtetas, shpallet në kërkim 1 tjetër, autorë të dyshuar të kultivimit të bimëve narkotike.

Për këto raste:

- u arrestua shtetasi I. S., 45 vjeç, i cili u kap në flagrancë duke u kujdesur për 25 bimë narkotike që kishte kultivuar në oborrin e banesës;

-u shpall në kërkim shtetasi P. P., 64 vjeç, dhe u vu në pranga bashkëshortja e tij, shtetasja A. P., 56 vjeçe, pasi dyshohet se kanë kultivuar 196 bimë narkotike në oborrin e banesës së tyre.

Gjatë kontrollit në banesën e tyre, shërbimet e Policisë gjetën dhe sekuestruan 108 fara të bimës narkotike kanabis sativa./CNA





Lajmet e fundit nga