web counter
LEXO PA REKLAMA!

SHKARKO APP

App Store
Google Play

Dhunë, ngacmim seksual dhe shkelje të rregullave të qarkullimit/ Arrestohen 5 persona

1 Shtator 2025, 10:41, Kronika CNA

Dhunë, ngacmim seksual dhe shkelje të rregullave të qarkullimit/

Policia e Durrësit ka arrestuar 5 persona për vepra të ndryshme penale.

73-vjeçari A.L., është arrestuar sepse ushtroi dhunë ndaj bashkëshortes së tij. Një tjetër i moshuar është arrestuar sepse u denoncua nga një vajzë 21-vjeçare për ngacmim seksual, iu gjetën edhe baste sportive në celular.

Tre persona janë arrestuar pasi shkelën rregullat e qarkullimit rrugor, duke drejtuar mjetin në gjendje të dehur.

Njoftimi i policisë:

"Specialistët për Hetimin e Krimeve të Komisariatit të Policisë Durrës arrestuan në flagrancë shtetasin A. L., 73 vjeç, banues në Durrës, pasi ka ushtruar dhunë ndaj bashkëshortes së tij.    

Specialistët për Hetimin e Krimeve të Stacionit të Policisë Plazh ndaluan shtetasin M. M., 71 vjeç, banues në Durrës, pasi dje, ka kallëzuar një 21-vjeçare, se ai e ka ngacmuar seksualisht. Gjatë këqyrjes së celularit të shtetasit M. M. u konstatuan të hapura faqe për baste sportive.  

Specialistët e Qarkullimit Rrugor të DVP Durrës:

-arrestuan në flagrancë shtetasit A. A., 50 vjeç dhe M. Sh., 38 vjeç, të dy banues në Durrës, pasi u kapën duke drejtuar automjetet përkatëse, në gjendje të dehur; 

-ndaluan shtetasin në kërkim F. Gj., 48 vjeç, banues në Hamallaj, pasi Gjykata e Durrësit e ka dënuar me 6 muaj burgim, për veprën penale “Shkelja e rregullave të qarkullimit rrugor”. /CNA

 

 

 





Lajmet e fundit nga