web counter
LEXO PA REKLAMA!

SHKARKO APP

App Store
Google Play

E fundit!

x

Goditet trafiku i drogës nga deti/ Kapen 3 persona, SPAK kontrolle në banesa e biznese

1 Maj 2024, 10:20, Kronika CNA

Goditet trafiku i drogës nga deti/ Kapen 3 persona, SPAK kontrolle në

3 persona janë vënë në pranga me urdhër të SPAK-ut për trafikim të lëndëve narkotike.

Bëhet fjalë për shtetasit me iniciale A. D., S. L. dhe K. B., të cilët akuzohen se kanë tentuar të trafikojnë një sasi e konsiderueshme lëndësh narkotike nëpërmjet detit.

Ndaj tyre rëndojnë veprat penale “Trafikimi i narkotikëve”, e kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Gjithashtu, SPAK njofton se janë ushtruar kontrolle në disa banesa dhe subjekte tregtare. 

“Në vijim të veprimeve proceduriale, në lidhje me procedimin penal nr. 185, të vitit 2023, në kuadër të të cilit, është zhvilluar operacioni policor i datës 15.08.2023, i emërtuar “Flakë në det”, ku nëpërmjet detit është tentuar të trafikohet një sasi e konsiderueshme lëndësh narkotike, Gjykata e Posaçme e Shkallës së Parë për Korrupsionin dhe Krimin e  Organizuar, me vendimin nr. 46, datë 29.04.2024, ka pranuar kërkesën e Prokurorisë së Posaçme, për caktimin e masës së sigurimit për personat nën hetim  A. D., S. L. dhe K. B.,  si persona të dyshuar për kryerjen e veprave penale “Trafikimi i narkotikëve”, e kryer në bashkëpunim në kuadër të grupit të strukturuar kriminal, “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 283/a,  333/a dhe 334 të Kodit Penal.

Masat e sigurimit ndaj personave nën hetim A.D. S.L. dhe K.B., janë ekzekutuar nga Oficerët e Policisë Gjyqësore pranë Drejtorisë së Përgjithshme të Policisë së Shtetit, në datën 30.04.2024.

Gjatë ekzekutimit të vendimit për caktimin e masave të sigurimit, është ushtruar kontroll në disa banesa dhe subjekte tregëtare”, thuhet në deklaratën e SPAK-ut./ CNA

 





Lajmet e fundit nga