web counter
LEXO PA REKLAMA!

SHKARKO APP

App Store
Google Play

E fundit!

x

Goditet një rast kontrabande mallrash, arrestohet 49-vjeçari, procedohet një doganier

24 Dhjetor 2025, 11:24, Kronika CNA

Goditet një rast kontrabande mallrash, arrestohet 49-vjeçari,

Specialistët e Seksionit për Hetimin e Krimeve Ekonomike dhe Financiare kanë goditur një rast të kontrabandës së mallrave në qytetin e Korçës, në kuadër të punës për parandalimin dhe goditjen e veprimtarive kriminale në këtë fushë.

Sipas Policisë, shërbimet kanë ndaluar në lagjen nr. 6 automjetin që drejtohej nga shtetasi V. T. Gjatë kontrollit, në mjet janë gjetur veshje të ndryshme pa fatura përkatëse, të cilat dyshohet se janë futur në Shqipëri pa kryer procedurat e zhdoganimit.

Në vijim të veprimeve procedurale, është arrestuar në flagrancë shtetasi V. T., 49 vjeç, banues në Korçë, për veprat penale:

-“Kontrabanda me mallra të tjera”

-“Tregtimi dhe transportimi i mallrave që janë kontrabandë”

-“Ruajtja ose depozitimi i mallrave kontrabandë”

-“Fshehja e të ardhurave”.

Gjithashtu, materialet janë referuar në Prokurori, ku ka nisur procedimi penal për veprën “Shpërdorimi i detyrës” ndaj shtetasit R. M., 40 vjeç, banues në Pogradec, doganier në Pikën e Kalimit Kufitar Kapshticë, i cili dyshohet se nuk ka ushtruar kontrollin e detyrueshëm ndaj automjetit./ CNA





Lajmet e fundit nga