web counter
LEXO PA REKLAMA!

SHKARKO APP

App Store
Google Play

E fundit!

x

Kanosi me armë zjarri një shtetas/ Arrestohet në Durrës 31-vjeçari i shpallur në kërkim

23 Dhjetor 2025, 12:31, Kronika CNA

Kanosi me armë zjarri një shtetas/ Arrestohet në Durrës

Një 31-vjeçar është lokalizuar dhe vënë në pranga në qytetin e Durrësit, i shpallur në kërkim pasi mesnatën e datës 16 tetor 2025, kanosi me armë zjarri një shtetas.

I arrestuari në përfundim të operacionit policor të koduar “Autorësia” është shtetasi G. G., banues në Tiranë.

Ndaj këtij shtetasi, Gjykata e Durrësit ka caktuar masën e sigurisë “Arrest në burg”, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”.

Njoftimi:

Si rezultat i administrimit të shpejtë të një informacioni të siguruar në rrugë informative, për vendndodhjen e autorit të dyshuar të kanosjes me armë zjarri, të shtetasit B. H., kryer për motive të dobëta, rreth mesnatës së datës 16.10.2025, në rrugë, në fshatin Fllakë, shërbimet e Forcës së Posaçme Operacionale, në bashkëpunim me specialistët e Seksionit për Hetimin e Krimeve Kundër Personit, finalizuan operacionin “Autorësia”.

Në kuadër të këtij operacioni, u lokalizua, u kap dhe u ndalua autori i dyshuar i rastit, shtetasi G. G., 31 vjeç, banues në Tiranë.

Gjykata e Shkallës së Parë e Juridiksionit të Përgjithshëm Durrës, me vendimin e datës 01.11.2025, i ka caktuar këtij shtetasi, masën e sigurisë “Arrest në burg”, për veprat penale “Kanosja” dhe “Mbajtja pa leje dhe prodhimi i armëve, armëve shpërthyese dhe i municionit”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./CNA





Lajmet e fundit nga