web counter
LEXO PA REKLAMA!

SHKARKO APP

App Store
Google Play

E fundit!

x

Goditet prostitucioni në Durrës/ Kapen tutorët, në pranga edhe një vajzë

17 Qershor 2023, 14:23, Kronika CNA
Goditet prostitucioni në Durrës/ Kapen tutorët, në pranga
Foto ilustruese

Finalizohet pas 4 muajsh hetime, operacioni policor i koduar “Floëer”, për goditjen e veprimtarisë së kundërligjshme në fushën e prostitucionit. 

Blutë e Durrësit bëjnë me dije se gjatë këtij operacioni kanë arrestuar katër persona.

Konkretisht janë vënë në pranga shtetasit me iniciale B.K., 25 vjeç, banues në Fier dhe Xh.K., 30 vjeç, banues në Kavajë, si dhe shtetasen L.T., për veprat penale “Ushtrimi i prostitucionit” dhe “Shfrytëzimi  i prostitucionit”, kryer në bashkëpunim.

Dy të rinjtë, në bashkëpunim me njëri-tjetrin, shfrytëzonin për prostitucion shtetasen L.T., duke i siguruar asaj klientë të ndryshëm dhe hotele në qytetet e Durrësit, Kavajës, Lushnjes dhe Fierit,  kundrejt pagesave që varionin nga 80-150 euro.

Gjithashtu, këta shtetas siguronin automjetet me të cilat transportonin këtë shtetase dhe merrnin personat që kishte kontaktuar ajo, me qëllim ushtrimin e prostitucionit në ambiente të ndryshme në qytetet e sipërpërmendura.

Gjatë kontrollit fizik, shtetases L. T. iu gjet një sasi me lëndë të dyshuar narkotike kokainë, e cila u sekuestrua në cilësinë e provës materiale.

Në kuadër të operacionit është arrestuar edhe shtetasi E. Z., 24 vjeç, banues në Durrës, për veprën penale “Shfrytëzimi i prostitucionit”.

Gjithashtu, në vijim të veprimeve u shpallën në kërkim shtetasit V. T. dhe M. V., për veprat penale  “Ushtrimi i prostitucionit” dhe “Shfrytëzimi i prostitucionit”, kryer në bashkëpunim. 

Në cilësinë e provës materiale janë sekuestruar 5 celularë, 300 000 lekë, 200 euro dhe një automjet tip “Ford Fiesta”.

Ndërkohë, materialet procedurale do t'i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Durrës, për hetime të mëtejshme./ CNA.al





Lajmet e fundit nga