web counter
LEXO PA REKLAMA!

SHKARKO APP

App Store
Google Play

E fundit!

x

Operacion anti-drogë në Korçë/ 10 të ndaluar, sekuestrohen drogë dhe makina

17 Qershor 2023, 08:39, Kronika CNA

Operacion anti-drogë në Korçë/ 10 të ndaluar,

Policia e Korçës ka finalizuar një operacion antidrogë, ku janë ndaluar 10 persona për trafik të lëndëve narkotike. 

Gjatë aksionit 6 persona janë arrestuar në flagrancë dhe 3 të tjerë janë në kërkim. Ndërkohë 24 persona po hetohen në gjendje të lirë. 

Gjatë aksionit të uniformave blu janë sekuestruar  9 kg lëndë e dyshuar narkotike kanabis, 388 gramë kokainë, 1 armë zjarri, municion luftarak, fidanë kanabis, llamba led, 9 automjete, 6 peshore elektronike, 28 celularë dhe shuma parash dhe eurosh, të përfituara nga veprimtaria kriminale

Njoftimi i policisë:

Në kuadër të tij u proceduan penalisht 43 shtetas, nga të cilët 10 të ndaluar, 6 të arrestuar në flagrancë, 3 të shpallur në kërkim dhe 24 të tjerë po hetohen në gjendje të lirë.

Gjatë operacionit u sekuestruan në total 9 kg lëndë e dyshuar narkotike kanabis, 388 gramë kokainë, 1 armë zjarri, municion luftarak, fidanë kanabis, llamba led, 9 automjete, 6 peshore elektronike, 28 celularë dhe shuma parash dhe eurosh, të përfituara nga veprimtaria kriminale.

Specialistët për Hetimin e Trafiqeve të Paligjshme dhe Narkotikëve të DVP Korçë në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Korçë, pas një hetimi proaktiv të thelluar 6-mujor, për goditjen e veprimtarive kriminale në fushën e prodhimit dhe shitjes së narkotikëve, armëmbajtjes pa leje dhe kultivimit të bimëve narkotike, organizuan dhe finalizuan me sukses operacionin policor të koduar "Knock Down 3".

Gjatë këtij operacioni, nga Gjykata e Rrethit Gjyqësor Korçë janë lëshuar 13 masa sigurie "Arrest në burg", nga të cilat strukturat hetimore në bashkëpunim me Forcat e Posaçme "Shqiponja" të DVP Korçë kanë ekzekutuar 10 masa ndalimi konkretisht ndaj shtetasve:

- P. P., 31 vjeç; P. A., 19 vjeç; B. R., 46 vjeç; T. R., 38 vjeç; E. B., 36 vjeç, M. K., 29 vjeç; E. F., 26 vjeç; G. K., 40 vjeç; D. Xh., 39 vjeç dhe M. K., 23 vjeç, banues në Korçë. Gjithashtu u shpallën në kërkim shtetasit:

-E. K., 32 vjeç; M. D., 22 vjeç; E. N., 23 vjeç, banues në Korçë.

Po nga strukturat e lartpërmendura në kuadër të këtij procedimi, janë arrestuar në flagrancë gjithsej 6 shtetas konkretisht:

-M. P., 23 vjeç; I. D., 26 vjeç; Gj. R., 32 vjeç; A. S., 36 vjeç; D. Q., 27 vjeç dhe N. L., 19 vjeç, banues në Korçë. Gjithashtu po hetohen në gjendje të lirë edhe 24 shtetas të tjerë.

Gjatë operacionit "Knock Down 3", janë sekuestruar në cilësinë e provës materiale:

- 388 gramë kokainë e ndarë në doza;

- 9 kilogramë kanabis;

- 1 armë zjarri tip pistoletë dhe municion luftarak;

- 9 automjete;

- 28 aparate celular;

- 6 peshore elektronike;

- një sasi në lekë dhe në euro, të përfituara nga veprimtaria kriminale;

-fidanë të kultivuar në gota plastike; 2 llamba neon led.

 

 





Lajmet e fundit nga