web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacion për drogë në disa qytete/ Asgjësohen mbi 3 mijë bimë kanabis

17 Qershor 2023, 11:55, Kronika CNA

Megaoperacion për drogë në disa qytete/ Asgjësohen mbi 3

Policia e Shtetit ka vijuar megaoperacionin e kontrollit të territorit në fushën e kultivimit të bimëve narkotike. Këtë operacion e ka shtrirë edhe në Krujë, Kurbin, Mirditë, Vaun e Dejës dhe në Shosh të Shkodrës.

Në operacion janë përfishrë 210 forca policore, të komisariateve respektive, të Forcës së Posaçme "Shqiponja" dhe grupe të FNSH-së.

Gjithashtu janë përdorur 12 dronë të Policisë për kontrollin e zonave të thella malore e ato me terren të vështirë.

Gjatë megaoperacionit janë evidentuar dhe asgjësuar 3095 bimë e fidanë cannabis sativa (1600 fidanë dhe 1495 bimë kanabis)

Janë shpallur në kërkim policor 8 persona si të dyshuar të implikuar në këtë veprimtari kriminale .

Në Krujë, kontrollet u kryen në territorin e fshatit Bruz Zall, Njësia Administrative Cudhi, Krujë, ku u gjetën dhe u asgjësuan 300 bimë narkotike të dyshuara cannabis sativa.

Në Lezhë, kontrollet u kryen në zonën e quajtur "Bjeshkët e Kaçinarit" në Njësinë Administrative Kaçinar në Mirditë, ku u gjetën dhe u asgjësuan 500 bimë dhe 1600 fidanë të kultivuar në kubikë, të dyshuar cannabis sativa.

Gjithashtu, edhe nga shërbimet e Komisariatit të Policisë Kurbin, u gjetën dhe asgjësuan 241 bimë të dyshuara cannabis sativa në fshatin Kuqna të njësisë administrative Milot, si dhe 16 bimë të tjera të dyshuara cannabis sativa në fshatin Zhejë të njësisë administrative Mamurras.

Në Shkodër, kontrollet u kryen në fshatin Dardhë, Njësia Administrative Shosh, Shkodër, ku u gjetën dhe u asgjësuan 180 bimë narkotike të dyshuara Cannabis Sattiva.

Në Vaun e Dejës, në fshatin Dush, Njësia Administrative Vau i Dejës, shërbimet policore gjetën dhe asgjësuan 200 bimë narkotike të dyshuara cannabis sativa.

Po në Vaun e Dejës, në fshatin Vig, blutë kanë gjetur dhe asgjësuar 58 bimë narkotike të dyshuara cannabis sativa.

Strukturat hetimore bazuar në inteligjencën policore, kanë shpallur në kërkim policor 8 shtetas të dyshuar si të implikuar në këtë veprimtari kriminale dhe vijon puna për shoqërimin e tyre me qëllim sqarimin e pozitës së tyre, të implikuar ose jo, në këtë veprimtari kriminale.

Ndërkohë në bashkëpunim me Prokuroritë respektive vijojnë hetimet e thelluara për zbardhjen dhe dokumentimin e autorësisë së këtyre rasteve./ CNA.al





Lajmet e fundit nga