web counter
LEXO PA REKLAMA!

SHKARKO APP

App Store
Google Play

Fusnin lëndë narkotike në burgun e Elbasanit/ Në pranga tre persona, mes tyre një polic

23 Janar 2026, 12:00, Kronika CNA

Fusnin lëndë narkotike në burgun e Elbasanit/ Në pranga tre

Masa e sigurisë “arrest me burg” është ekzekutuar për tre persona në hetim për futjen e lëndëve narkotike në burgun e Elbasanit.

Sipas njoftimit të Shërbimit të Kontrollit të Brendshëm në Sistemin e Burgjeve, në pranga është vënë një punonjës në burgun e Elbasanit, familjarja e një të paraburgosuri dhe një i paraburgosur.

Nga hetimi i zhvilluar me metoda speciale, u zbulua skema e bashkëpunimit për futjen e lëndëve narkotike në institucion me qëllim përfitimin financiar.

Njoftimi i plotë: 

Metoda speciale dhe hetim disa-mujor, SHKBB zbulon mekaninzmin për futjen e narkotikëve në IEVP Elbasan, tre në pranga

Shërbimi i Kontrollit të Brendshëm në Sistemin e Burgjeve (SHKBB), pas një hetimi të thelluar disa-mujor të zhvilluar nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, ka finalizuar me sukses një operacion kundër veprimtarisë kriminale në IEVP Elbasan.

Në zbatim të urdhrit të ekzekutimit datë 22.01.2026, bazuar në vendimin nr. 784, datë 19.12.2025, u ekzekutua masa “Arrest me burg” ndaj tre personave nën hetim:

N.K., punonjës policie në IEVP Elbasan

E.K., familjare e një të paraburgosuri

G.S., i paraburgosur në IEVP Elbasan

Hetimi, i zhvilluar me metoda speciale, zbuloi një skemë bashkëpunimi për futjen e lëndëve narkotike në institucion me qëllim përfitimin financiar. Materialet procedurale i janë referuar Prokurorisë për veprime të mëtejshme.

SHKBB dhe Ministria e Drejtësisë konfirmojnë angazhimin për zero tolerancë ndaj krimit dhe korrupsionit në sistemin penitenciar dhe ftojnë qytetarët të denoncojnë çdo shkelje në numrin e gjelbër pa pagesë: 044 20 40 20. /CNA





Lajmet e fundit nga