web counter
LEXO PA REKLAMA!

SHKARKO APP

App Store
Google Play

Zbardhet shpërthimi me eksploziv në Athinë/ Në pranga autorët e dyshuar, dy vëllezër shqiptarë

23 Janar 2026, 10:01, Kronika CNA

Zbardhet shpërthimi me eksploziv në Athinë/ Në pranga

Autoritetet greke kanë zbardhur një shpërthim me eksploziv të ndodhur në tetor të vitit të kaluar në një diskotekë në Athinë, ku mbeti i lënduar një person dhe u shkaktuan dëme të shumta materiale. Në pranga për ngjarjen janë vënë dy vëllezër shqiptarë.

Të akuzuar për vepra të rënda penale, dy të pandehurit pranuan autorësinë e ngjarjes, ndërsa njëri prej tyre tha se ishte paguar për sulmin. Megjithatë ai refuzoi të përmendte personat që e kishin paguar, nga frika për jetën e tij.

Lidhur me shpërthimin, ai tregoi se ditën e 7 tetorit, mbërriti në vendngjarje me vëllain e tij duke përdorur një makinë të marrë hua, në pronësi të një gruaje.

Pasi doli prej automjetit, mori bombën që kishte në një çantë dhe e la përpara dyqanit. Kur u largua nga vendngjarja, shtypi një buton që kishte me vete dhe ndodhi shpërthimi i lëndës eksplozive.

Si 40-vjeçari ashtu edhe vëllai i tij 32-vjeçar janë akuzuar në të kaluarën, për disa vepra penale si vjedhje, sjellje të turpshme, grabitje, mashtrim, dëmtime të rrezikshme trupore, falsifikim, si dhe shkelje të ligjeve për drogën. /CNA





Lajmet e fundit nga