web counter
LEXO PA REKLAMA!

SHKARKO APP

App Store
Google Play

I dënuar me 7.6 vjet burg për shfrytëzim të prostitucionit/ Arrestohet 38-vjeçari i shpallur në kërkim

22 Janar 2026, 15:10, Kronika CNA

I dënuar me 7.6 vjet burg për shfrytëzim të prostitucionit/

Një 38-vjeçar i shpallur në kërkim është arrestuar në zonën e Liqenit të Thatë në kryeqytet. Në pranga është vënë shtetasi Rezart Hyskollari.

Ai ishte dënuar nga Gjykata e Durrësit me 7 vjet e 6 muaj burg për shfrytëzim të prostitucionit. Nga dënimi, 38-vjeçarit i kanë mbetur për të vuajtur 5 vjet burgim.

Njoftimi i policisë:

Tiranë/Finalizohet operacioni policor i koduar “Dënimi”.

I dënuar me 7 vjet e gjysmë burgim, për shfrytëzim të prostitucionit, kapet në zonën e Liqenit të Thatë, dhe vihet në pranga 38-vjeçari.

Shërbimet e Forcës së Posaçme Operacionale, në bashkëpunim me specialistët e Seksionit për Hetimin e Trafiqeve, si rezultat i administrimit të shpejtë të informacionit të siguruar në rrugë operative, se një shtetas i shpallur në kërkim, fshihej në zonën e Liqenit të Thatë, finalizuan operacionin e koduar “Dënimi”.

Gjatë operacionit u lokalizua, u kap dhe u vu në pranga shtetasi Rezart Hyskollari, 38 vjeç, banues në Tiranë.

Gjykata e Durrësit, në vitin 2019, e ka dënuar këtë shtetas, me 7 vjet e 6 muaj burgim, për veprën penale “Shfrytëzimi i prostitucionit”. Nga dënimi, 38-vjeçarit i kanë mbetur për të vuajtur 5 vjet burgim.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga