web counter
LEXO PA REKLAMA!

SHKARKO APP

App Store
Google Play

Arrestohet 45-vjeçarja kineze në Rinas/ Synonte të dilte jashtë vendit me mijëra euro të padeklaruara

23 Janar 2026, 11:19, Kronika CNA

Arrestohet 45-vjeçarja kineze në Rinas/ Synonte të dilte

Një 45-vjeçare kineze është proceduar penalisht pasi tentoi të dalë nga vendi pa deklaruar mijëra euro dhe dollarë.

Gjatë kontrollit në vijën e dytë 45-vjeçares iu gjetën 61 755 euro dhe 10 000 dollarë amerikanë, që synonte t’i nxirrte nga Shqipëria, pa i deklaruar konform ligjit.

Shuma e parave u sekuestrua në cilësinë e provës materiale.

Njoftimi i policisë:

PKK Rinas

Tentoi të dalë nga Republika e Shqipërisë me 61 755 euro dhe 10 000 dollarë, pa i deklaruar sipas ligjit, procedohet penalisht 45-vjeçarja kineze.

Sekuestrohet shuma e parave.

Si rezultat i kontrolleve të imtësishme në hyrje/dalje të vendit, me objektiv parandalimin dhe konstatimin e paligjshmërive në kufi, shërbimet e Policisë Kufitare të Rinasit, në bashkëpunim me shërbimet doganore, kanë goditur një tjetër rast të mosdeklarimit në pikën e kalimit kufitar të shumave të konsiderueshme të parave.

Për këtë rast u referuan materialet në Prokurori, ku nisi procedimi penal në gjendje të lirë për shtetasen A. Ë., 45 vjeçe, me shtetësi kineze, të cilës gjatë kontrollit në vijën e dytë iu gjetën 61 755 euro dhe 10 000 dollarë amerikanë, që synonte t’i nxirrte nga Republika e Shqipërisë, pa i deklaruar konform ligjit.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga