web counter
LEXO PA REKLAMA!

SHKARKO APP

E fundit!

x

Europol zbërthen “Matrix”-in, aplikacionin që përdorej nga grupet kriminale

3 Dhjetor 2024, 15:15, Kronika CNA

Europol zbërthen “Matrix”-in, aplikacionin që

Europol ka zbërthyer një tjetër aplikacion të koduar, pas “Sky ECC”-së dhe “EncroChat”-it.

Eurpol bën me dije se ka zbërthyer aplikacion e koduar “Matrix”, ku ka monitoruar komunikimet e grupeve kriminale për 3 muaj.

Me Europolin dhe me Eurojustin, në këtë operacion kanë bashkëpunuar autoritetet holandeze, franceze italiane, lituaniane dhe spanjolle.

Aksionet për ndjekjen e anëtarëve të grupeve kriminale nisën më 3 dhjetor në katër vende të ndryshme. Në Francë u arrestua një person. Në  Spanjë u kapën dy të dyshuar pas një urdhër-arresti nga Holanda dhe u kontrolluan 6 shtëpi. 6 shtëpi u kontrolluan edhe në Lituani.

Autoritetet sekuestruan serverët kryesorë të aplikacionit në Francë dhe Gjermani.

Personat që përdornin këtë aplikacion do të njoftohen për përgjimin nga autoritetet. Nëpërmjet kërkesave ligjore, autoritetet do të jenë në gjendje të aksesojnë mesazhet për hetimet e tyre./ CNA





Lajmet e fundit nga