web counter
LEXO PA REKLAMA!

SHKARKO APP

App Store
Google Play

Ekzekutoi me armë 50-vjeçarin/ Vetëdorëzohet në polici Julian Gjoshi

2 Dhjetor 2024, 17:42, Kronika CNA
Ekzekutoi me armë 50-vjeçarin/ Vetëdorëzohet në
Foto ilustruese

Pasditen e kësaj të hëne është vetëdorëzuar në polici Julian Gjoshi, personi i akuzuar si autor i vrasjes së 50-vjeçarit Alfred Dedja.

Lajmin e ka konfirmuar policia e Tiranës, e cila bën me dije se 26-vjeçari u ndalua pas paraqitjes në komisariat.

Julian Gjoshi rezulton person me precedent penal, pasi është arrestuar për armëmbajtje pa leje në vitin 2021.

Ai është dënuar 3 vjet shërbim prove nga gjyqtarja Shefkie Demiraj.

Ky dënim me shërbim prove duhej të mbaronte në 23 dhjetor.

“Në vijim të veprimeve për  ngjarjen e  ndodhur më datë 01.12.2024, ku rreth orës 15:30, në një lokal në Ndroq,  mbeti i vrarë me armë zjarri shtetasi A. D., rreth 50 vjeç, ju informojmë se:

Falë veprimeve të shpejta dhe të koordinuara të Policisë së DVP Tiranë në bashkëpunim me Drejtorinë Vendore të Policisë Durrës, kontrolleve të shumta të ushtruara bazuar në inteligjencës policore, gjetjen dhe bllokimin e automjetit të dyshuar që kishte përdorur autori, si dhe bllokimit të rrugëkalimeve dhe pamundësisë për të qëndruar i fshehur, autori i dyshuari u dorëzua në Polici.

Në vijim të veprimeve Specialistët për hetimin Krimeve të Rënda në Drejtorinë Vendore të Policisë Tiranë bënë ndalimin e  autorit të dyshuar, shtetasit J. Gj., 26 vjeç, banues në Shijak.

Për zbardhjen dhe dokumentimin ligjor të ngjarjes, për sigurimin  dhe sekuestrimin e  provave dhe kapjen e ndalimin e autorit, Strukturat e Hetimit të Krimit në DVP Tiranë, kanë punuar me  profesionalizëm në bashkëpunim të ngushtë me Prokurorinë dhe strukturat e tjetra të Policisë së  Shtetit.

Grupi i posaçëm hetimor, në drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin e saj ligjor”, thuhet në njoftimin e policisë./ CNA





Lajmet e fundit nga